ថ្លើមជាផ្នែកមួយដែលមានមុខងារដ៏សំខាន់នៅក្នុងការបន្សុតនៃជាតិពុលក្នុងរាងកាយ។ ពេលដែលសមត្ថភាពរបស់ថ្លើមមានភាពចុះខ្សោយ វាអាចបង្កើតឱ្យមានគ្រោះថ្នាក់បន្ថែមទៀតជាពិសេសជំងឺមហារីកថ្លើម។ បើយោងតាមការវាយតម្លៃរបស់អ្នកជំនាញបានឲ្យដឹងថា ជម្ងឺមហារីកថ្លើម គឺជាជម្ងឺដ៏គ្រោះថ្នាក់ខ្ពស់ជាងគេដែលអាចធ្វើឲ្យបាត់បង់ជីវិត នៅក្នុងចំណោមជម្ងឺមហារីកទាំងអស់។ ដូច្នេះដើម្បីព្យាបាលទាន់ពេលវេលានោះអ្នក ចាំបាច់ត្រូវយកចិត្តទុកដាក់ទៅរោគសញ្ញាដំបូងនៃជម្ងឺមហារីកថ្លើម ដូចខាងក្រោម:
១.ទឹកនោមពណ៌ក្រម៉ៅ
ពេលដែលមុខងារថ្លើមចុះខ្សោយអាចបណ្តាលឱ្យមានការកើនឡើងនៃកម្រិត Bilirubin នៅក្នុងឈាមដែលធ្វើឲ្យទឹកនោមឡើងពណ៌ក្រហមក្រម៉ៅ ពណ៌លឿងចាស់ ឬពណ៌ត្នោត។ នៅក្នុងករណីនេះ អ្នកគួរទៅកាន់មន្ទីរពេទ្យភ្លាមៗ នេះអាចជារោគសញ្ញាដំបូងនៃជម្ងឺហារីកថ្លើម។
២. មានបញ្ហានៅក្នុងពោះ
ជាទូទៅដំណាក់កាលដំបូងនៃជម្ងឺមហារីកថ្លើម អាចលេចឡើងនូវរោគសញ្ញាឧស្សាហើមមពោះ ទល់ខ្យល់ ព្រមទាំងថ្លើមរីកធំនេះអាចចាត់ទុកថាជាដំណាក់កាលដែលលោកអ្នកនឹងអាចកើតមានជម្ងឺមហារីកថ្លើមយ៉ាងឆាប់រហ័ស។
៣. ចុកពោះ
ពេលដែលថ្លើមមានទំហំធំ សមត្ថភាពរបស់ថ្លើមនឹងត្រូវថយចុះ ដែលបណ្តោលឱ្យមានការឈឺពោះ ។ ក្នុងករណីដែលអ្នកមានការឈឺពោះវាមានទំនាក់ទំនងជាមួយនឹងថ្លើម ដែលជាសញ្ញាបង្ហាញថាលទ្ធភាពក្នុងការកើតជម្ងឺមហារីករបស់លោកអ្នកមានច្រើន។
៤. រមាស់
រមាស់ អាចត្រូវបានចាត់ទុកជារោគសញ្ញាដំបូងនៃជំងឺមហារីកថ្លើម។ ជាចម្បងដោយសារតែមុខងារថ្លើមអន់ថយ ធ្វើឱ្យកម្រិត Bilirubin នៅក្នុងឈាមកើនឡើង នេះជាមូលហេតុបង្កឲ្យមានការរមាស់នៅលើស្បែក។
៥. ថ្លើមធំ
ទីតាំងរបស់ថ្លើមគឺស្ថិតនៅផ្នែកខាងឆ្វេងនៃដើមទ្រូង អាចអូសបន្លាយរហូតដល់ពាក់កណ្តោលនៃពោះ។ ប្រសិនបើអ្នកយកដៃស្ទាប់ទៅប៉ះបង្ហាញថាថ្លើមរបស់អ្នកត្រូវបានរីកធំ។ នៅក្នុងករណីមួយនេះ អ្នកគួរតែទៅពិនិត្យនៅមណ្ឌល់សុខភាពភ្លាមៗ ព្រោះវាជាសញ្ញាដំបូងដែលនាំឲ្យអ្នកើកើតជម្ងឺមហារីកថ្លើម។
៦.អស់កំលាំង
ប្រសិនបើអ្នកមានអារម្មណ៍ធុញថប់ អស់កំលាំង រួមទាំងរោគសញ្ញាផ្សេងៗទៀត វាអាចទាក់ទងទៅនឹងមុខងាររបស់ថ្លើមត្រូវបានចុះខ្សោយ។ ដោយសារតែការអស់កម្លាំង បានអូសយូរគឺជារោគសញ្ញាទូទៅដែលមានជម្ងឺមហារីកថ្លើម។
៧.ចង់ក្អួតចង្អោរ
ប្រសិនបើអ្នកមានចង្អោរ ឬក្អួតជាញឹកញាប់ដោយគ្មានហេតុផលច្បាស់ អ្នកគួរតែពិនិត្យសុខភាព ដើម្បីកំណត់ថាតើមុខងាររបស់ថ្លើមចុះខ្សោយ ឬអត់។ ចាប់តាំងពីការ ចង្អោរ និងក្អួតដោយសារតែមុខងារថ្លើមខ្សោយ នេះក៏ជាសញ្ញាដំបូងដែលព្រមានអំពីការជំងឺមហារីកថ្លើម។
៨.ការបាត់បង់ ទម្ងន់
ថ្លើមជាសរីរាង្គមួយ ដែលដើរតួនាទីយ៉ាងសំខាន់ក្នុងដំណើរការបំលែងសារជាតិផ្សេងៗដែលចូលទៅក្នុងរាងកាយ។ ដូច្នេះ នៅពេលដែលមុខងារថ្លើមត្រូវចុះខ្សោយអាចនាំឱ្យមានការបាត់បង់ទម្ងន់។ នេះអាចត្រូវបានគេចាត់ទុកថាជាផ្នែកមួយនៃរោគសញ្ញាដ៏សំខាន់បំផុតនៃជំងឺមហារីកថ្លើមក្នុងដំណាក់កាលដំបូង។
៩.ស្បែកឡើងពណ៌លឿង
ស្បែកឡើងពណ៌លឿង មិនមែនជាជម្ងឺមួយទេ ប៉ុន្តែវាគឺជាសញ្ញានៃការចុះខ្សោយមុខងារថ្លើមទៅវិញ។ នៅពេលដែលការចុះខ្សោយ មុខងារថ្លើមនាំឱ្យមានហានិភ័យនៃកម្រិត Bilirubin នៅក្នុងឈាមកើនឡើង ដែលបង្កឱ្យមានស្បែកពណ៌លឿង។ ដូច្នេះនៅពេលដែលស្បែកឡើងពណ៌លឿងត្រូវបានគេចាត់ទុកថាក៏ជាសញ្ញានៃជម្ងឺមហារីកថ្លើមដែរ៕
ចុចទីនេះមើលប្រភពដើម www.mungkulkar.com សហការជាមួយនឹងដំណឹង
មតិយោបល់