អង់គ្លេស៖ គ្រូបង្វឹក និងជាអ្នកចាត់ការទូទៅរបស់ក្លិប បិសាចក្រហម លោក David Moyes អាចនឹងវិលទៅបើកក្រឡុកស្រាសំប៉ាញសារជាថ្មី ខណៈដែលទទួលបានជោគជ័យដ៏ធំបំផុត តាំងពីការមកដល់ ទឹកដី Old Trafford ដោយអាចបញ្ចុះបញ្ចូលកីឡាករ Wayne Rooney ឲ្យបន្តលេងជាមួយនឹងក្លិបបិសាចក្រហមនោះ។
កាលពីយប់ថ្ងៃសុក្រ កន្លងទៅនេះ កីឡាករ Wayne Rooney និង David Moyes បានព្រមព្រៀងគ្នា ជាស្រេច ពោលគឹ កីឡាករ Wayne Rooney នឹងបន្តលេងឲ្យក្លិប បិសាចក្រហម បន្ត ក្នុងរយៈពេល ៤ ឆ្នាំ ទៀត ក្នុងព្រឹត្តិការណ៍ Premier League ។ ដោយឡែកសម្រាប់ទឹកប្រាក់ ថ្លៃឈ្នួលលេង គឺមានចំនួន ៣ សែន ផោន ប្រហែល ៥ សែនដុល្លារ ក្នុងរយៈពេល ១ សប្តាហ៍ ។
ក្នុងសន្និសីទកាសែត កាលពីរាត្រីថ្ងៃសុក្រនោះ កីឡាករ Wayne Rooney បាននិយាថា “ខ្ញុំតែងតែទទួលបាននូវព័ត៌មាន ចាកចេញ ជាញឹកញាប់ ប៉ុន្តែអ្វីៗគ្រប់យ៉ាងវាបានក្លាយជាការពិតហើយ នោះគឺ ខ្ញុំនឹងបន្តលេងឲ្យក្លិបបិសាចក្រហម ។ រវាងខ្ញុំ និង គ្រូបង្វឹកតែងតែមានទំនាក់ទំនងល្អ ហើយឥឡូវនេះ ខ្ញុំរីករាយនឹងកាន់ប៊ិច ចុះកុងត្រាថ្មីបន្តលេងឲ្យក្លិបបិសាចក្រហម” ៕
មតិយោបល់