អ្នកវិទ្យាសាស្ត្របានរកឃើញថា កត្តាដែលអាចជួយឲ្យស្ត្រីឈានទៅដល់ចំណុចកំពូល គឺកម្រនឹងធ្វើបានបំផុត។ មានបញ្ហាជាច្រើនក្នុងការជួយឲ្យស្ត្រីអាចសម្រេចដល់ចំណុចកំពូល (តាមរយៈការភេទ) ដែលមនុស្សភាគច្រើនតែងតែគិតថា ត្រូវពឹងផ្អែកទៅលើសមត្ថភាពបុរស់ ជាពិសេសសំដៅទៅលើ អាអូនតូច របស់ពួកគេតែម្តង។ ទោះជាយ៉ាងណាតាមការសិក្សាថ្មីមួយបានបង្ហាញថា ការពិតផ្ទុយពីអ្វីដែលមនុស្សរាល់គ្នាធ្លាប់បានគិតទាំងស្រុង ទំហំនៃស្បែកដែលគ្រប់ដណ្តប់លើតំបន់សម្ងាត់របស់ស្ត្រី និងចម្ងាយទៅកាន់ទ្វារធំ គឺជាគន្លឹះមួយក្នុងការសម្រេចផ្លូវអារម្មណ៍ដ៏វិសេសវិសាលរបស់ស្ត្រី។ ការរកឃើញនេះ គឺជាជំហានដ៏សំខាន់នៅក្នុងការសិក្សា នៃការព្យាបាលថ្មីសម្រាប់ស្ត្រីដែលទទួលរងពីនូវបញ្ហាដែលពុំអាចទទួលបានភាពសុខស្រួលដូចបំណង។ ក្រុមអ្នកស្រាវជ្រាវបានធ្វើពិសោធន៍ទៅលើស្ត្រីចំនួន ៣០ នាក់ដែលមានលក្ខណៈភេទខុសគ្នាទាំងអស់ ហើយមានអាយុជាមធ្យម ៣២ ឆ្នាំ។ ក្នុងចំណោមពួកគេ ១០ នាក់បានឆ្លើយតបវិញថា កម្រ ឬមិនអាចឈានដល់ចំណុចកំពូលក្នុងអំឡុងពេលសម្រេចកាម បើទោះជាសម្រេចបាននូវសម្រើបជាញឹកញាប់ក៏ដោយ។ បញ្ហានូវភាពព្រងើយកណ្តើយ ឬពិបាកសម្រេចបានដល់ចំណុចកំពូលរបស់ស្ត្រី ត្រូវបានគេទទួលស្គាល់ថាជាលក្ខណ្ឌមួយដែលមានភាពតានតឹងធ្ងន់ធ្ងរបំផុត។ ក្រុមអ្នកស្រាវជ្រាវជាច្រើនបានផ្តោតសំខាន់ទៅលើជម្រើសនៃការព្យាបាលសម្រាប់ជម្ងឺនេះ។
ការរកឃើញនេះបានបង្ហាញថាសម្រាប់ក្រុមស្ត្រី ដែលមានសន្ទះស្បែកគ្របដណ្តប់តំបន់សម្ងាត់ធម្មតាមានទំហំតូចជាងចម្ងាយ ពីតំបន់សម្ងាត់ទៅទ្វារធំ ពួកគេមិនអាចសម្រេចនូវភាពវិសេសវិសាលនៅក្នុងការរួមភេទនោះបានទេ។
លោកវេជ្ជបណ្ឌិត Susan Oakley មកពីមន្ទីពេទ្យ Samaritan រដ្ឋ Ohio សហរដ្ឋអាមេរិកមានប្រសាសន៍ថា តាមការពិតសន្ទះស្បែក ដែលគ្របដណ្តប់តំបន់សម្ងាត់ បញ្ជាក់យ៉ាងច្បាស់អំពីសសៃប្រសាទដែលអាចរំញោចការរំភើបរបស់ស្ត្រីឲ្យមានអារម្មណ៍ស្រីវស្រីបក្នុងអំឡុងពេលរួមភេទ។
ក្រុមអ្នកវិទ្យាសាស្ត្រសង្ឍឹមថាការរកឃើញដ៏សំខាន់នេះ នឹងអាចជួយព្យាបាលជម្ងឺរបស់ស្ត្រីដែលមិនបានទទួលនូវការសប្បាយក្នុងអំឡុងពេលរួមភេទ កុំឲ្យមានផលប៉ះពាល់ដល់ជម្ងឺផ្លូវចិត្ត៕
ចុចទីនេះមើលប្រភពដើម www.mungkulkar.com សហការជាមួយនឹងដណឹង
មតិយោបល់