បើតាមរបាយការណ៍ព័ត៌មានកីឡាករបរទេសនានា បានចុះផ្សាយ​ឲ្យដឹងថា ​អ្នកចាត់ការ​ទូទៅ ​របស់បិសាចក្រហម លោក David Moyes បាន​​ធ្វើ​ការ​សង្កត់ធ្ងន់ថា ​លោក​មិនមានបញ្ហាណាមួយ ជាមួយនឹង​ខ្សែប្រយុទ្ធសញ្ជាតិហូឡង់នោះឡើយ ។មុន​ការ​ច្រានចោលព័ត៌មាននេះដែរ ​​មាន សារព័ត៌មានជាច្រើន​បាន​ចុះផ្សាយថា លោក David Moyes ​នឹង​​មិនឲ្យ Robin van Persie បង្ហាញខ្លួនលើទីលាន​ច្រើននោះឡើយ បន្ទាប់ពីរងបរាជ័យក្រោម ក្លិប Olympiakos ក្នុងក្របខណ្ឌ Champions League នោះ ។​

​​អ្វីដែលសបញ្ជាក់​ឲ្យកាន់តែច្បាស់នោះ ​ព័ត៌មាន​​ខាងលើ អាចនឹង​ក្លាយជាព័ត៌មានពិត ​បើទោះបីជា​រាត្រីនេះ ​Robin vna Persie បង្ហាញខ្លួនមែនពិត ​តែការបង្ហាញខ្លួននោះដែរ វា​ត្រឹមតែរយៈពេល ៦០ នាទីជាងតែប៉ុណ្ណោះ ដោយ ដូរជាមួយនឹងកីឡាករ Welback តែម្តង ។ ត្រង់នេះហើយដែលបញ្ជាក់ថា David Moyes កំពុងកាត់បន្ថយពេលវេលា លេងរបស់ កីឡាករខ្សែប្រយុទ្ធខាងលើ ហើយអាចនឹងការប្រកួតលើកក្រោយ នឹងគ្មាន កីឡាករ Robin van Persie ក៏ថាបានដែរ ។​បញ្ជាក់ផងដែរ បិសាចក្រហម ប្រកួតនៅរាត្រីនេះ ឈ្នះ West Brom ក្នុងលទ្ធផល ៣-០ ​៕​