តាមប្រភពព័ត៌មានបរទេសនានាបានឲ្យដឹងថា រឿងរ៉ាវស្នេហារបស់ក្មេងវ័យជំទង់មួយគូបានប្រែក្លាយទៅជាសោកនាដកម្ម បន្ទាប់ពីមិត្តស្រីរបស់ខ្លួនសុំចែកផ្លូវ។ គូស្នេហ៍វ័យក្មេងរូបនោះត្រូវបានគេស្គាល់ថា ខាងប្រុសមានឈ្មោះ Matthew Bolton វ័យ ១៥ ឆ្នាំ រីឯខាងស្រីមានឈ្មោះ Anasasia ពួកគេទាំងពីរជាសិស្សនៅវិទ្យាល័យមួយ។ បន្ទាប់ពីហេតុការណ៍ដ៏អាក្រក់នេះកើតឡើងប៉ូលិសបាននិយាយថា Bolton បានយកកាំភ្លើងបាញ់សម្លាប់សង្សារបស់ខ្លួន រួចសម្លាប់ខ្លួនឯងតាមក្រោយ បន្ទាប់ពីនាងសុំចែកផ្លូវ។ ប៉ុន្តែប៉ូលិសមិនទាន់ដឹងថាក្មេងប្រុសរូបនោះបានកាំភ្លើងមកពីប្រភពណានោះទេ គឺគ្រាន់តែដឹងថាកាំភ្លើងខ្លីត្រូវបានក្មេងប្រុសម្នាក់នោះប្រើប្រាស់ ហើយបន្សល់ទុកនៅក្បែរសាកសពតែប៉ុណ្ណោះ៕
មតិយោបល់