គណបក្សប្រជាជនកម្ពុជា(CPP)បានបង្ហាញនូវការសោកស្តាយ ចំពោះជំនួបជាមួយ គណបក្សសង្គ្រោះជាតិ(CNRP)នៅវិមានព្រឹទ្ធសភា កាលពីថ្ងៃទី ១០ ខែមីនា ឆ្នាំ ២០១៤ ដោយមិនបានឈានដល់ការធ្វើសេចក្តីប្រកាសរួម ព្រោះតែគណបក្សប្រឆាំងបានបង្កការ រាំងស្ទះនោះ។
នៅក្នុងសេចក្តីថ្លែងការណ៍ចុះថ្ងៃទី ១០ ខែមីនា ឆ្នាំ ២០១៤ CPP បាននិយាយថា គណៈកម្មការចម្រុះដើម្បីសិក្សា និងរៀបចំក្របខណ្ឌ កំណែទម្រង់ការបោះ ឆ្នោត ខាង CPP បានឯកភាពឲ្យដាក់ប្រធានបទ «កំណែទម្រង់ស្ថាប័នរៀបចំការបោះឆ្នោត» ទៅក្នុងក្រប ខណ្ឌកំណែទម្រង់ការបោះឆ្នោត តែមិនឯកភាព ការចែងអំពីស្ថាប័នរៀបចំការបោះឆ្នោតជា ស្ថាប័នធម្មនុញ្ញ ហើយអនុម័តសមាសភាពស្ថាប័ននេះដោយសំឡេង ២/៣ នៃសមាជិករដ្ឋ សភាទាំងមូលទេ។
នៅក្នុងសេចក្តីថ្លែងការណ៍នោះនិយាយថា CPP មានការសោកស្តាយដោយ CNRP នៅតែយកបញ្ហានេះមកធ្វើជាលក្ខខណ្ឌ ដែលអាចបង្កការរាំងស្ទះ ដល់ដំណើរការកែទម្រង់ ការបោះឆ្នោតនាពេលខាងមុខ ។ យ៉ាងណាក៏ដោយក៏ CPP នៅតែប្រកាន់ជំហរបន្តការ ចរចា តាមស្មារតីនៃកិច្ចប្រជុំនាថ្ងៃទី ១០ ខែមីនា ឆ្នាំ ២០១៤៕
ប្រភព៖ AKP
មតិយោបល់