ភ្នំពេញ ៖ ជនសង្ស័យ២នាក់ត្រូវបានកម្លាំងកងរាជអាវុធហត្ថខណ្ឌចំការមនឃាត់ខ្លួនពាក់ព័ន្ធនិងការប្រើប្រាស់ និងការចែកចាយគ្រឿងញៀន នៅតាមបណ្ដោយផ្លូវលេខ៩៩ ស្ថិតក្នុងសង្កាត់បឹងត្របែក ខណ្ឌចំការមន កាលពីវេលាម៉ោង១១និង៤០នាទីយប់ថ្ងៃទី២៥ខែមិនាឆ្នាំ២០១៤។
សមត្ថកិច្ចបានឱ្យដឹងថា ជនសង្ស័យទី១ឈ្មោះ មូន វិបុល ភេទប្រុសអាយុ៣៤ឆ្នាំមុខរបរជាងផ្សារដែក មានទីលំនៅផ្ទះលេខ៥៤ ក្រុម១០៣ សង្កាត់បឹងកក់២ ខណ្ឌទួលគោក ទី២ឈ្មោះ ឈុន ម៉េងហៀង ភេទប្រុសអាយុ១៩ឆ្នាំមុខរបរមិនពិតប្រាកដ មានទីលំនៅសង្កាត់បឹងត្របែក ខណ្ឌចំការមន ដោយដកហូតបានថ្នាំញៀនចំនួន១កញ្ចប់និងម៉ូតូយ៉ាម៉ាហាមីអូ ពណ៌ខ្មៅលាយក្រហម អត់ស្លាកលេខមួយគ្រឿង។
សមត្ថកិច្ចបានអោយដឹងបន្តទៀតថា នៅវេលាម៉ោងកើតហេតុកម្លាំងកងរាជអាវុធហត្ថបានប្រទះឃើញជនសង្ស័យ២នាក់ជិះម៉ូតូមួយគ្មានស្លាកលេខ ដោយមានការសង្ស័យសមត្ថកិច្ចបានឃាត់ឆែកឆេររកឃើញថ្នាំញៀនចំនួន១កញ្ចប់ ហើយក៏បានបញ្ជូនមកទីបញ្ជាការដ្ឋានកងរាជអាវុធហត្ថខណ្ឌចំការមនដើម្បីធ្វើការសាកសួរនិងកសាងសំណុំរឿងបញ្ជូនទៅតុលាការ៕
មតិយោបល់