ភ្នំពេញ៖ ជនសង្ស័យ៧ នាក់បានយកកាំបិតចាក់ប្លន់យកម៉ូតូយុវជនម្នាក់បណ្តាលឲ្យរងរបួសហើយប្លន់យកម៉ូតូម៉ាកសេ១២៥មួយគ្រឿងគេចខ្លួនបាត់ កាលពីវេលាម៉ោង២៣និង២០នាទីយប់ថ្ងៃទី២៥ ខែមិនាឆ្នាំ២០១៤ នៅចំណុចផ្លូវបេតុង ខាងកើតបុរីសុភ័ក្រមង្គល់ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ។
តាមប្រភពពត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញជនរងគ្រោះខាងលើបានជិះម៉ូតូមួយគ្រឿងម៉ាកសេ១២៥ សេរីឆ្នាំ២០១២ ពណ៌ខ្មៅ ពាក់ស្លាក់លេខភ្នំពេញ 1BN-2015 មកឈប់នៅមុខផ្ទះរបស់អ៊ុំគេហើយស្រាប់តែលិចមុខជនសង្ស័យ៧ នាក់ប្រដាប់ដោយកាំបិតមួយដើមបានយកមកចាក់ជនរងគ្រោះខាងលើចំនួន១កាំបិតបណ្ដាលឲ្យរងរបួសរួចដណ្ដើមយកម៉ូតូគេចខ្លួនដោយសុវត្តិភាពតែម្តង។បន្ទាប់ពីកើតហេតុជនរងគ្រោះត្រូវបានរថយន្តសាមុយដឹងយកទៅមន្ទីរពេទ្យដើម្បីព្យាបាលភ្លាមៗ ។
ក្រោយពេលកើតហេតុខាងលើនេះសមត្ថកិច្ចក៏បានចុះមកដល់កន្លែងកើតហេតុនិងកំពុងស្រាវជ្រាវសួរព័ត៌មាននៅចំពោះអ្នកដែលបានឃើញហេតុការណ៏ ហើយនិងតាមចាប់ជនល្មើស ដើម្បីយកមកផ្តន្ទាទោសតាមផ្លូវច្បាប់ផងដែរ៕
មតិយោបល់