ភ្នំពេញ ៖ មានករណីគ្រោះថ្នាក់ចរាចរណ៏មួយ រវាងម៉ូតូធុនធំម៉ាក CBR បុកគ្នាជាមួយម៉ូតូសាន់យ៉ាន់បណ្តាលឱ្យអ្នកបើកបរទាំង០២នាក់របួស ស្រាល ។ហេតុការណ៏នេះកើតឡើងនៅវេលាម៉ោង១និង១៥នាទី យប់អធ្រាតឈានចូលថ្ងៃ ទី០៣មេសា២០១៤ នៅចំណុច មុខអាកាសយានដ្ឋានអន្តរជាតិភ្នំពេញ តាមបណ្តោយមហាវិថីសហពន្ធ័រុស្ស៊ី ស្ថិតនៅក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូសាន់យ៉ាន់ ពណ៌ក្រហម បើកបរដោយបុរសម្នាក់ក្នុងទិសដៅ ពីលិចទៅកើត មកដល់ចំណុចកើតហេតុក៏បានបុកគ្នា ពេញទំហឹងជាមួយម៉ូតូធុនធំម៉ាក CBR ពណ៌ស អត់ស្លាកលេខ ជិះដោយបុរសម្នាក់ បណ្តាលឱ្យអ្នកបើកម៉ូតូទាំង០២គ្រឿង របួសស្រាលទាំង០២នាក់ ។
ក្រោយពេលកើតហេតុម្ចាស់ម៉ូតូទាំងពីរបានធ្វើ ការសម្រួលគ្នា ដោយខាងម៉ូតូធុនធំម៉ាក CBR ចេញលុយ ២៥ដុល្លា ឱ្យខាងម៉ូតូសាន់យ៉ាន់ ដើម្បីបញ្ចប់រឿង ៕
មតិយោបល់