ក្នុងរយៈពេល ១ខែ១០ថ្ងៃ នៃការស្វែងរកយន្តហោះម៉ាឡេស៊ី MH370 ត្រូវបានក្រុមអ្នកវិភាគឲ្យដឹងថា ជាការស្វែងរកដែលចំណាយលុយច្រើនបំផុតនៅក្នុងប្រវត្តិសាស្ត្រ ហើយគ្មានទទួលបានលទ្ធផលអ្វីទាំងអស់។
យោងតាមការចុះផ្សាយរបស់ Channel News Asia បានឲ្យដឹងថា ក្នុងរយៈពេល ១ខែ១០ថ្ងៃ កន្លងមកនេះ ប្រតិបត្តិការស្វែងរកយន្តហោះ ម៉ាឡេស៊ី MH370 បានចំណាយលុយប្រមាណជា ១០០លានដុល្លារអាមេរិក ដែលការប៉ាន់ប្រមាណនេះ ត្រូវបានធ្វើឡើងដោយលោក លោក Ravikumar Madavaram អ្នកជំនាញខាងអាកាសចរណ៍មកពី Frost & Sullivan Asia Pacific។
ថ្លែងប្រាប់ទីភ្នាក់ងារព័ត៌មានបារាំង AFP លោក Madavaram បាននិយាយថា ប្រតិបត្តិការនៃការស្វែងរកយន្តហោះម៉ាឡេស៊ី MH 370 មានការចំណាយសរុបប្រមាណ ១០០លានដុល្លារអាមេរិក។ លោកបានបន្តទៀតថា សហរដ្ឋអាមេរិក បានចាយយ៉ាងតិចក៏ ៧,៣លានដុល្លារអាមេរិក ក្នុងប្រតិបត្តិការស្វែងរក។
គួរបញ្ជាក់ផងដែរថា គិតចាប់តាំងពីថ្ងៃបាត់ដានយន្តហោះម៉ាឡេស៊ីរហូតមកដល់ពេលនេះ នៅមិនទាន់មានតម្រុយណាមួយដែលអាចបញ្ជាក់ពីហេតុការបាត់យន្តហោះនេះនោះទេ៕
ព័ត៌មានបន្ថែម៖ យន្តហោះ MH370 ដែលបាត់ខ្លួនមានព្រលានសម្រាប់ចុះចតជាង៦០០កន្លែង
មតិយោបល់