កីឡាករប្រដាល់ ពិភពលោក Mayweather ដែលជាម្ចាស់ពានរង្វាន់ពិភពលោកចំនួន ៥ និង Pacquiao ដែលជាម្ចាស់ពានរង្វាន់ពិភពលោកចំនួន ៨ នោះ ត្រូវបានគេស្នើរឲ្យប្រកួតកាលពីឆ្នាំ ២០១០ ម្តងរួចមកហើយ ។ ប៉ុន្តែការស្នើនឹងរៀបចំត្រូវបាន បរាជ័យ ដោយមិនទទួលបានការយល់ព្រម រវាងអ្នកប្រដាល់ទាំងពីរ ។
ក៏ប៉ុន្តែ ចូលមកដល់ឆ្នាំ ២០១៤ នេះ ខណៈដែល Pacquiao បានសងសឹក ទៅលើ Bradley ដោយជោគជ័យ ក៏ឭព័ត៌មានថា Pacquiao និង Mayweather អាចនឹងជួបគ្នា។
ទន្ទឹមជាមួយនឹងគ្នានេះដែរ សារព័ត៌មាន នឹងអ្នកគាំទ្រ លើវិស័យ កីឡាប្រដាល់ កំពុងជំរុញ និងគំរាម ឲ្យ អ្នកទាំងពីរ ឡើងសង្វៀនវាយគ្នា ដើម្បីបំបែករឿងប្រវត្តិសាស្ត្រ ដែលមិនធ្លាប់ជួបគ្នា ។ តែទោះជាយ៉ាងណា វានៅតែមិនទាន់ជារឿងការពិតនៅឡើយ ហើយអ្នកទាំងពីរអាចនឹងមិនបានជួបគ្នា រហូតដល់ចូលនិវត្តន៍ ។
សូមបញ្ជាក់ផងដែរថា សម្រាប់ Mayweather នឹងត្រូវជួបមុខ Marcos Maidana នៅថ្ងៃទី ៣ ខែ ឧសភា ខាងមុខនេះ នៅ MGM Grand ក្រោយពីនេះ Mayweather និង Pacquiao អាចនឹងធ្វើឲ្យអ្នកគាំទ្រទទួលបានដំណឹងល្អទៅចុះ ដោយសង្ឈឹមថា ពួកគេចរចារ នឹងនិយាយត្រូវរ៉ូវគ្នាលើលក្ខណប្រកួតនេះ៕
មតិយោបល់