អេស្ប៉ាញ៖ដំណើរវិវត្តន៍ទៅមុខ ដែលនិយាយអំពីកុងត្រារវាងអ្នកលេង សញ្ជាតិអាហ្សង់ទីន កីឡាករ Lionel Messi និង ក្លិប អ្នកមានបុណ្យ Bacelona បានស្ថិតនៅក្នុងលក្ខណជាប់គាំង មិនអាចទៅមុខរួចនោះទេ ។
ខាងក្រុមប្រឹក្សាភិបាលក្លិប បានពន្យល់ឲ្យដឹងថា ឥឡូវនេះតម្លៃខ្លួន កាន់តែឡើងថ្លៃ កប់ពពក ដែលខាងក្លិប អាចឲ្យទៅរួច ក៏ប៉ុន្តែវានឹងប្រែក្លាយជា ចំណុចអាក្រក់ ដល់រចនាសម្ព័ន្ធប្រាក់ខែ សម្រាប់អ្នកក្រោយ។ Lionel Messi ធាតុពិតកុងត្រារបស់គាត់នឹងបញ្ចប់នៅឆ្នាំ ២០១៨ ឯណោះ តែបើនិយាយកុងត្រាលើតម្លៃខ្លួនមិនត្រូវ កីឡាករនេះនឹងដើរចេញ ឬ ក្លិបលក់តែម្តងបើគាត់នៅតែទាមទារតម្លៃខ្លួនរហូតដល់ទៅ ២៥០ លានផោន ។
ទន្ទឹមជាមួយនឹងគ្នានេះដែរ ខាងក្លិបអ្នកមានលើទឹកដីបារាំង Paris Saint-Germain មានឆន្ទៈចំណាយទឹកប្រាក់ប្រការចំនួន ២០៥ លានផោន សម្រាប់ទិញអ្នកលេង និងគម្រោង ស្ថាបនាពហុកីឡដ្ឋានថ្មី ដូចទៅនឹង ក្លិប Bacelona ជាមួយនឹងទឹកប្រាក់ចំនួន ៤៩៣ លានផោនផងដែរ ។
ធាតុពិត Messi ចង់លេងឲ្យ Bacelona រហូតដល់ពេលដែលគាត់មានអារម្មណ៍មួយចង់ ទៅលេង នៅក្លិបដើមវិញ ឈ្មោះ Newell’s Old Boys នៅក្នុងប្រទេស អាហ្សង់ទីន ។ ជាមួយនឹងលទ្ធផល និយាយគ្នាមិនត្រូវរឿងកុងត្រានេះ ខាងក្លិប នឹងបើកទ្វារ សម្រាប់ PSG និង Man City ដេញថ្លៃ កីឡាកររូបនេះ ។
Messi វ័យ ២៦ ឆ្នាំ ក្នុងការបង្ហាញទម្រង់លេងចុងក្រោយ នាក្របខណ្ឌ Champions League ក្នុងវគ្គ 1/4 និង Spanish Cup នាវគ្គផ្តាច់ព្រ័ត្រ មិនអាចធ្វើរឿងអ្វីមួយ ឲ្យក្លិប និងអ្នកគាំទ្រ មានលទ្ធភាពសប្បាយរីករាយឡើយ ជាពិសេស ចាញ់ Real Madrid ក្នុងការលើកពាន Copa Del Ray នាវគ្គចុងក្រោយ។
បញ្ជាក់ ៖ ១ ផោន ប្រហែល ១,៦៨ ដុល្លារ ៕
ទស្សនាជំនាញ់របស់ Messi នៅលើលាន ៖
មតិយោបល់