អង់គ្លេស​៖ កាលពីរាត្រីយប់មិញ វេលាម៉ោង ១១ និង ៣០ នាទី ក្លិបតោខៀវបានទទួលភ្ញៀវ ឆ្មាខ្មៅ Sunderland តែបែរជាម្ចាស់ផ្ទះ តោខៀវ Chelsea ធ្វើរឿង​មិនបានល្អទៅវិញ ខណៈដែល​ចាញ់ ក្លិបបាតតារាង ២ – ១ នៅពហុកីឡដ្ឋាន Stamford Bridge ។​

ក្តីរំពឹង​របស់តោខៀវ ដែលសង្ឈឹមថា នឹង​ឡើងដល់កំពូលតារាង ខណៈដែល​អ្នកគាំទ្រ​មិនសង្ឈឹមថាចាញ់នោះ បែរជា​ក្លិប តោខៀវ Chelsea បរាជ័យ ​ក្រោមក្លិបបាតតារាង លេខរៀងទី ២០ ឆ្មាខ្មៅ Sunderland ទៅវិញ ។​ គ្រាប់បាល់ របស់ Fabio Borini ដែលជាគ្រាប់បាល់ចុងក្រោយ ​នៃការស៊ុតប៉េណ័លទី បានធ្វើឲ្យ Jose Mourinho ស្គាល់ពាក្យថាចាញ់នៅក្នុងចំណោម ៧៨ ប្រកួត នៅពហុកីឡដ្ឋាន Stamford Bridge ​។​

សម្រាប់តោខៀវ បើទោះបីជា Eto’o រកគ្រាប់បាល់នាំមុខ នៅនាទី ១២ ដោយស៊ុតមួយជើងឆ្វេង ខណៈដែល Willian បានស៊ុតបាល់ពិន័យចេញពីជ្រុង ។ តែ​ទោះជាយ៉ាងណា ៦ នាទីក្រោយ ពោលគឺ​នៅនាទី ១៨ ភ្ញៀវ ឆ្មាខ្មៅ Sunderland បានតាមពីក្រោយ ស្មើ ដោយកីឡាករ Wickham និង នាទី ៨២ ដោយការស៊ុតប៉េណ័លទី របស់ Fabio Borini ។​
បញ្ជាក់ផងដែរថា សម្រាប់ តោខៀវ ដែលស្ថិតនៅលេខរៀងទី ២ នៃតារាងមាន ៧៥ ពិន្ទុ ក្នុងចំណោម ៣៥ ប្រកួត ​និងជាម្ចាស់ផ្ទះកាលពីរាត្រីយប់មិញ បានធ្វើ​ឲ្យអ្នកគាំទ្រ​នឹកស្មានមិនដល់ ដោយចាញ់ ក្លិប ឆ្មាខ្មៅ Sunderland លេខរៀងទី ២០ មាន ២៩ ពិន្ទុ ក្នុងចំណោម ៣៤ ប្រកួត ៕​
ទស្សនាវីដេអូឃ្លិបដូចខាង​ក្រោមនេះ៖