Galaxy S5 របស់ក្រុមហ៊ុន Samsung កំពុងតែត្រូវបានដាក់លក់ពេសពេញពិភពលោក ដែលតម្លៃភាគច្រើនគឺ ៦០០ដុល្លារអាមេរិកមិនចាប់កិច្ចសន្យា ចំណែកនៅស្រុកខ្មែរវាមានតម្លៃជាង ៦០០ដុល្លារអាមេរិក។
តើលោកអ្នកដឹងទេថា តម្លៃដើមរបស់ Samsung Galaxy 5S ថ្លៃប៉ុន្មាន?
យោងតាមការការស្រាវជ្រាវ និងស៊ើបអង្កេតរបស់ក្រុមហ៊ុនស្រាវជ្រាវ IHS បានបង្ហាញពីតម្លៃដើមនៃការផលិត Samsung Galaxy S5។
នៅក្នុងរបាយការណ៍របស់ IHS បានបង្ហាញថា តម្លៃដើមនៃការផលិត Samsung Galaxy S5 មានត្រឹមតែ ២៥៦ដុល្លារអាមេរិកប៉ុណ្ណោះ ពោលគឺថ្លៃជាង Samsung Galaxy S4 ចំនួន ៣០ដុល្លារអាមេរិក។
លោក Andrew Rassweiler ប្រធានក្រុមស្រាវជ្រាវ IHS បាននិយាយថា ក្រុមហ៊ុន Samsung បានចំណាយថ្លៃដើមត្រឹមតែ ២៥៦ដុល្លារអាមេរិកប៉ុណ្ណោះ ប៉ុន្តែដាក់ក្នុងតម្លៃ ៦០០ដុល្លារអាមេរិក ពោលគឺចំណេញយ៉ាងច្រើន។
បើទោះជាយ៉ាងនេះក្ដី លោក Andrew Rassweiler មិនបានប្រាប់ពីតួលេខនៃគ្រឿងផ្ដុំរបស់ Samsung Galaxy S5 ឡើយ ដោយគ្រាន់តែសរុបការចំណាយទៅលើថ្លៃដើម៕
មតិយោបល់