ភ្នំពេញ៖ហេតុការណ៍គ្រោះថ្នាក់ ដ៏អាណោចអធ័ម ដែលកើតឡើងកាលពីវេលាម៉ោង ១០ និង ៣០ នាទី ព្រឹកថ្ងៃទី ២៦ ខែ មេសា ឆ្នាំ ២០១៤ នៅបណ្តោយផ្លូវមុន្នីរ៉េត បានធ្វើឲ្យមនុស្សម្នាក់ ស្លាប់ភ្លាមៗ និងខ្ទេចក្បាល ក្នុងថ្លុកឈាម ស្ថិតក្នុងសង្កាត់ស្ទឹងមានជ័យ ខណ្ឌមានជ័យ ។
បុរសដែលស្លាប់ដោយ ជិះម៉ូតូទាក់ដៃចង្កូតជាមួយនឹងរថយន្តដឹកស៊ីម៉ង់ត៍ ធុនធំមួយគ្រឿង ត្រូវបានគេស្គាល់ថា ជា មន្ត្រីយោធាម្នាក់ មានឈ្មោះថា ទូ ឡុក អាយុ ៣៨ ឆ្នាំ មាន ឋានន្តរស័ក្តិថ្នាក់វរសេនីយ៍ទោ បម្រើការងារនៅទីចាត់ការបុគ្គលិកនៃអគ្គបញ្ជាការដ្ឋានកងយោធពលខេមរភូមិន្ទ។
សាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេឃើញមន្ត្រីយោធា ខាងលើជិះម៉ូតូ ម៉ាកវ៉េវ ឆ្នាំ ២០១៤ ធ្វើដំណើរ ពីជើងទៅត្បូង និងបានវ៉ារថយន្តដឹកស៊ីម៉ង់ត៍ ពណ៌ទឹកក្រូច ពាក់ស្លាកលេខ 5A 0197 បណ្តាលឲ្យទាក់ដៃចង្កូតនិងផ្នែកខាងក្រោយនៃរថយន្ត រួចខ្ទាត់ទៅក្រោមកង់រថយន្ត កិនខ្ទេចក្បាលតែម្តង។
ក្រោយហេតុការណ៍នេះ រថយន្តដឹកស៊ីម៉ង់ត៍ ពណ៌ទឹកក្រូច ពាក់ស្លាកលេខ 5A 0197 បើករត់គេច ក៏ប៉ុន្តែ ក៏ត្រូវ សមត្ថកិច្ចឃាត់ចាប់បាន ដោះស្រាយ ទៅតាមផ្លូវច្បាប់ ៕
មតិយោបល់