ក្រុមចោរប្លន់៤នាក់ប្រដាប់អាវុធ AK បីដើម និងពូថៅ១ បានសម្រុកចូលប្លន់ផ្ទះប្រជាពលរដ្ឋនៅក្នុងភូមិព្រែកត្នោតឃុំព្រែកត្នោត ស្រុកទឹកឈូ ខេត្តកំពត បណ្ដាលឲ្យរបួសធ្ងន់ពីរនាក់ និងយកគ្រឿងអលង្ការ និងលុយអស់សន្ធឹកសន្ធាប់ ហើយគេចខ្លួនបាត់ដោយសុវត្ថិភាព ។
ហេតុការណ៍ចោរប្លន់ប្រដាប់អាវុធននេះ បានកើតឡើងនៅវេលាម៉ោង ៨និង៤០នាទីយប់ ថ្ងៃទី១៥ខែឧសភា ឆ្នាំ២០១៤ ក្នុងភូមិព្រែកត្នោតឃុំព្រែកត្នោត ស្រុកទឹកឈូ ខេត្តកំពត។
បើតាមកូនស្រីម្ចាស់ផ្ទះបានឱ្យដឹងថា គ្រឿងអលង្ការ និងលុយដែលត្រូវចោរប្លន់យកទៅបាត់នោះមានខ្សែ.កប្លាទីន២ខ្សែ និងចិញ្ចៀន៣វង់ សរុបទម្ងន់៧ជី និងលុយខ្មែរចំនួន១លាន៩០ម៉ឺនរៀល។
ហេតុការនេះ បានបណ្ដាលឲ្យរងរបួសមនុស្សពីរនាក់ យ៉ាងធ្ងន់ធ្ងរ និងត្រូវបញ្ជូនទៅព្យាបាលនៅវៀតណាមទាំងយប់៕
មតិយោបល់