អេស្ប៉ាញ៖កីឡាករ Ronaldo បាននិយាយថា វាគឺជាក្តីសុបិន្ត របស់លោកក្នុងការឈ្នះពានរង្វាន់ Champions League មុននឹងការប្រកួតវគ្គផ្តាច់ព្រ័ត្រ ជាមួយនឹងក្លិប Atletico Madrid នៅថ្ងៃទី ២៥ ខែ ឧសភា នេះ ។
សម្រាប់ព្រឹត្តិការណ៍ ប្រកួតសម្រាប់ក្រុមទាំងពីរ ដែលជាវគ្គចុងក្រោយបំផុត គឺធ្វើឡើងនៅទីក្រុង Lisbon ដោយពេលនេះ Real Madrid កំពុងសំឡឹង យ៉ាងយកចិត្តទុកដាក់ ដើម្បីលើកពាន អឺរ៉ុប ទី ១០ របស់ពួកគេ។
ដោយឡែក Ronaldo ដែលជាកីឡាករដ៏សំខាន់ Real Madrid នោះ បានជឿជាក់ថា ពហុកីឡដ្ឋាន Bernabeu អាចនឹងផ្តួល គ្រូបង្វឹក Diego Simeone របស់ក្លិប Atletico Madrid ក្នុងវគ្គផ្តាច់ព្រ័ត្រ។
កីឡាករសញ្ជាតិព័រទុហ្គាល បានប្រាប់ដល់ UEFA ថា “យើងដឹងថា វានឹងក្លាយជាការប្រកួតមួយដ៏លំបាក ដោយពេលនេះ Atletico Madrid ក៏មិនមែនជាក្លិបធម្មតាដែរ”។ កីឡាកររូបនេះបានបន្តថា ពួកគេគឺល្អណាស់ ជាពិសេស មានគ្រូបង្វឹកដ៏អស្ចារ្យ ក៏ប៉ុន្តែយើងក៏ចង់ព្យាយាមលើកពាន ទៅតាមលទ្ធភាពធ្វើយ៉ាងល្អរបស់ពួកយើង។ លើសពីនេះទៅទៀតខ្ញុំធ្លាប់មានប្រវត្តិ ឈ្នះពានរង្វាន់ Champions League ជាមួយនឹងបិសាចក្រហម ហើយជំនឿថ្មីរបស់ខ្លួននឹងកើតមានឡើងនៅ Real Madrid ខណៈដែលសុបិន្តឥតឈប់ឈរ៕
មតិយោបល់