​នៅពេល​ដែល​ឭ​ពី​សាច់​រឿង Avatar មនុស្ស​ជាច្រើន នឹង​មិន​ភ្លេច​ឡើយ ជាមួយ​នឹង​តួនាទី​របស់​វេជ្ជបណ្ឌិត Dr. Grace Augustine ដែល​សម្តែង​ជា​នាង Sigourney Weave នៅក្នុង​សាច់រឿង ។ ក្នុង​សាច់​រឿង​នេះ​ដែរ នាង​គឹជា​អ្នក​ផ្តល់​កំណើត​មួយ ដល់​គម្រោង Avatar ដោយ​មាន​គោលបំណង ចង់​បញ្ចូល​អត្តសញ្ញាណ​របស់​មនុស្ស​ជាមួយនឹង Na’vi ។ ក៏ប៉ុន្តែ​ខ្សែភាពយន្ត​ដំបូង វេជ្ជបណ្ឌិត Dr. Grace Augustine ត្រូវាបាន​ស្លាប់ ក្នុង​សាច់រឿង ក៏ប៉ុន្តែ ពេលនេះ លោក James Cameron បាន​និយាយថា នាង Sigourney Weave ឬ Grace Augustine នឹង​វិលត្រឡប់ មកវិញ ជាមួយនឹង​សាច់រឿង Avatar បន្ទាប់​។​

​ជាមួយនឹង​បទ​សម្ភាស Vulture page តារា​សម្តែង Sigourney Weave បានបញ្ជាក់​ថា សម្រាប់​សាច់រឿង​បន្ទាប់ ទស្សនិកជន នឹង​បាន​ឃើញ Grace Augustine ស្ថិតនៅក្រោម​អត្តសញ្ញាណ​មួយ​ផ្សេង​ទៀត​។ នាង​បាន​បន្តថា នៅពេល​នេះ​នាង​មិន​អាច​បង្ហាញ​ព័ត៌មាន​លម្អិត​ឡើយ តែ​ប្រិយមិត្ត​អាច​នឹង​ដឹង​នៅពេល​ក្រោយ ខណៈ​រឿង​ក្រោយនេះ មហិច្ចតា និង​ក្តី​ស្រ​ម៉ៃ James Cameron កាន់តែ​មាន​ភាព​ធំធេង​នោះ ។​

​បញ្ជាក់​ផង​ដែរ​ថា នាង Grace Augustine កាលពី​ឆ្នាំ ២០១២ ធ្លាប់​បាន​និយ​យា​ថា សម្រាប់​រឿង​បន្ទាប់​នាង មិន​បង្ហាញខ្លួន ឡើយ ក៏​ប៉ុន្តែ​នាង នឹង​បង្ហាញ​ខ្លួន​ក្នុង​សាច់រឿង ទី ៣ ។ សម្រាប់ Avatar 2 ដែល​បាន​ផលិត តាំងពី​ថ្ងៃ​ទី ១០ ខែ មករា ឆ្នាំ ២០១៤ នោះ នឹង​វាយ​រោងកុន នៅ​ថ្ងៃ​ទី ១១ ខែ វិច្ឆិកា ឆ្នាំ ២០១៦ ខណៈ​រឿង ទី ៣ នឹង​ចេញ​នៅ​ថ្ងៃ​ទី ១១ ខែ វិច្ឆិកា ឆ្នាំ ២០១៨ នោះ ៕

​