រដ្ឋាភិបាលវៀតណាម បានប្រកាសថា ខ្លួននឹងមិនអត់ឱនឲ្យ ក្រុមបាតុករបង្កការញុះញង់តវ៉ា ប្រឆាំង នឹងរដ្ឋាភិបាលចិននោះឡើយ ហើយនឹងប្តឹងប្រជាពលរដ្ឋ ៣០០នាក់ ដែលបានចូលរួមបាតុកម្មតវ៉ា កាលពី សប្តាហ៍មុន។
សារព័ត៌មានក្នុងស្រុកបានចុះផ្សាយ ដោយដកស្រង់សម្តីមន្ត្រីវៀតណាម មកបញ្ជាក់ថា បាតុកម្មហិង្សាទៅលើប្រជាជនចិន នឹងមិនងាយបញ្ចប់នោះទេ។ រដ្ឋាភិបាលនឹងប្តឹងចំពោះប្រជាជនជាង ៣០០ នាក់ ដែលបានចូលរួមបាតុកម្មកាលពីសប្ដាហ៍មុននេះ។
ប្រធានការិយាល័យស៊ើបអង្គេត នៃក្រសួងសន្តិសុខសាធារណៈវៀតណាម បាន និយាយថា “ពួកគេបានធ្វើឲ្យមានភាពចលាចលក្នុងប្រទេស ដែលជាសកម្មភាពសមនឹងទទួលទោស”។
គួរបញ្ជាក់ផងដែរថា កម្មករចិន ០២នាក់ បានស្លាប់ និង១៤០នាក់ ទៀតរងរបួស ក្នុងហេតុការណ៍ផ្ទុះបាតុកម្មដោយហិង្សាកាលពីដើមសប្តាហ៍មុននេះ៕
មតិយោបល់