ភ្នំពេញ ៖ថ្ងៃទី២៤ ខែឧសភា ឆ្នាំ២០១៤ ឯកអគ្គរាជទូតកម្ពុជាប្រចាំព្រះរាជាណាចក្រថៃ លោកជំទាវ អ៊ាត សោភា បានធ្វើការសង្ខេបព្រឹត្តិការណ៍ជុំវិញការវិវឌ្ឍស្ថានការណ៍ក្នុងប្រទេសថៃ ក្រោយការប្រកាសធ្វើ រដ្ឋប្រហារ កាលពីវេលាម៉ោង ៤ និង ៣០នាទី រសៀលថ្ងៃទី២២ ខែឧសភា ឆ្នាំ ២០១៤។
ក្នុងលិខិតចុះថ្ងៃទី ២៣ ខែឧសភា ឆ្នាំ ២០១៤ ផ្ញើជូនឯកឧត្ដមឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួង ការបរទេស និងសហប្រតិបត្តិការអន្តរជាតិ លោកជំទាវ អ៊ាត សោភា បានគូសបញ្ជាក់ថា ចាប់ពីជិតពាក់ កណ្ដាលអាធ្រាតថ្ងៃទី ២២ ឧសភា ឆ្នាំ២០១៤ National Peace and Order Mointaining Council (NPOMC) ថៃបានចេញប្រកាសជាបន្តបន្ទាប់ដូចជា លោក Prayuth Chen-ocha អគ្គបញ្ជាការកងទ័ពជើងគោកទទួលអនុវត្តន៍តួនាទីនាយករដ្ឋ មន្ត្រីរហូតដល់មាននាយករដ្ឋមន្ត្រីថ្មី ។
ផ្អាកការផ្សាយរបស់ទូរទស្សន៍ខ្សែកាបទាំង១៥ ។ (តាមពិតប៉ុស្តិ៍ទូរទស្សន៍ទាំងអស់ រួមទាំងប៉ុស្តិ៍អន្តរជាតិដូចជា CNN BBC ។ល។ លែងបើកឃើញតាំងពីម៉ោងប្រហែល២១.០០ ម្ល៉េះ) ។ កោះហៅមេដឹកនាំគណបក្ស Peu Thai ទាំងអស់២៣នាក់អគ្គលេខាធិការ (Pemanent Secretaries)គ្រប់ស្ថាប័ន អភិបាលខេត្ត ប្រធានធនាគារ និងស្ថាប័នឧស្សាហកម្មឲ្យមក បង្ហាញខ្លួនចំពោះ NPOMC នៅម៉ោង ១០ ព្រឹកថ្ងៃទី ២៣ ខែឧសភា ឆ្នាំ ២០១៤ ។
ក្នុងបញ្ជីឈ្មោះថ្នាក់ដឹកនាំ Peu Thai ដែលត្រូវកោះហៅរួមមាន៖ អតីតនាយករដ្ឋមន្ត្រី Yingluck Shinawatra និងSomchai Wongsavath អតីតរដ្ឋមន្ត្រីការបរទេស Noppadon Pattama និងSompong Amomvivat លោក Chayasit Shinawatra អតីតអគ្គបញ្ជាការកងទ័ព ថៃ និងជាប្អូនជីដូនមួយអតីតនាយករដ្ឋមន្ត្រី ថាក់ស៊ីន ។ លោក Suranand Vejiajiva ( ប្អូនជី ដូនមួយលោក Abhisit VeJiajiva ) លោកស្រី Yaowapha Shinawatra ភរិយាលោក Somchai (ពុំឃើញមានឈ្មោះលោក Surapong Tovichaichakkul អតីតឧបនាយករដ្ឋមន្ត្រី និងជារដ្ឋ មន្ត្រីការបរទេសក្នុងបញ្ជីត្រូវកោះហៅព្រឹកថ្ងៃទី ២៣ ឧសភា ឆ្នាំ ២០១៤ នោះទេ) អគ្គលេខា ធិការ (Permanent Secretaries) គ្រប់ស្ថាប័នរដ្ឋទាំងអស់ និងអនុវត្តន៍តួនាទីរបស់រដ្ឋមន្ត្រី ស្ថាប័នខ្លួនជាបណ្ដោះ អាសន្ន ។ លោក Chaterm Ubumrong (អតីតឧបនាយករដ្ឋមន្ត្រីរដ្ឋាភិបាលលោកជំទាវ Yingluck Shinawatra និងជានាយក Center For Administration of Peace and Order/CAOP) ព្រមទាំងកូនប្រុសត្រូវបានចាប់ខ្លួន យកទៅឃុំនៅបញ្ជាការកងវរសេនាធំ ទ័ពថ្មើរជើងលេខ១ តាំងពីក្បាលព្រលប់ថ្ងៃទី ២២ ឧសភា ។ National Peace and Order Maining Council បានប្រកាសបិទគ្រប់សាលារៀនរដ្ឋ និងឯកជនទាំងអស់ពីថ្ងៃទី ២៣ ដល់ ២៥ ឧសភា ឆ្នាំ២០១៤ ហើយព្រមានថានឹងបិទ(blocked) បណ្ដាញទំនាក់ទំនងសង្គម ( Sociat Media Twitter Youtude )ទៀតផង៕
ប្រភព៖ AKP
មតិយោបល់