ភ្នំពេញៈ ហេតុការណ៍គ្រោះថ្នាក់មួយគួរឲ្យអាសូរ លោកអ៊ំម្នាក់មកពីស្រុក មកលេងកូននៅភ្នំពេញ ដោយត្រឡប់ទៅវិញ កូនក៏ទិញពូកដាក់លើរថយន្ត តែមិនបានចងរឹតត្រឹមត្រូវ ហើយឲ្យឪពុកជាអ្នកទប់ តែត្រូវខ្យល់បោកបក់ធ្លាក់ពូកធ្លាក់ទាំងមនុស្ស បណ្តាលឲ្យបាក់ជើងម្ខាងរងរបួសធ្ងន់ បង្កឲ្យមានការភ្ញាក់ផ្អើល កាលពីវេលាម៉ោង១១និង១៥នាទីថ្ងៃទី០៥ ខែកក្កដា ឆ្នាំ២០១៦ តាមបណ្ដោយផ្លូវជាតិលេខ៤ ភូមិអង្គកែវ សង្កាត់ចោមចៅ ខណ្ឌពោធិ៍សែនជ័យ។
ប្រភពឲ្យដឹងថា លោកអ៊ំ ខាងលើឈ្មោះ ហេង វិន អាយុ៥៧ឆ្នាំ មុខរបរកសិករ មានស្រុកកំណើតនៅភូមិដូងចែង ឃុំសោកស្រុកព្រៃប្រសូត្រខេត្តក្រចេះ ហើយធ្វើដំណើរតាមរថយន្តម៉ាក់ តាកូម៉ា ពណ៌ស ពាក់ស្លាក់លេខភ្នំពេញ2A-H4419 បើកបរពីរកើតទៅលិច។
តាមប្រភពពត៌មានពីជនរងគ្រោះខាងលើបាននិយាយថា មុនពេលកើតហេតុរូបគាត់បានមកពីស្រុកកំណើត ហើយមកលេងកូនរបស់គាត់ដែលរស់នៅក្នុងបុរីសែនមនោរម្យ ស្ថិតនៅសង្កាត់កន្ទោក ខណ្ឌពោធិ៍សែនជ័យ លោកអ៊ំក៏ជិះលើរថយន្តដឹកពូក ហើយគាត់អង្គុយទប់ ក៏ត្រូវខ្យល់បោកធ្លាក់ បណ្តាលឲ្យរងរបួសធ្ងន់បាក់ជើងខាងស្តាំ ភ្លាមៗនោះ ត្រូវបានរថយន្តសង្គ្រោះរបស់អភាព ៧១១ ដឹកទៅសង្គ្រោះនៅពេទ្យព្រះកុសមះ៕
មតិយោបល់