ទីក្រុងអង់ការ៉ា ៖ កាលពីថ្ងៃទី ២៤ ខែ ឧសភា ម្សិលមិញនេះដែរ ខាងទំព័រទីភ្នាក់ងារសារព័ត៌មាន ស៊ិនហួរ បានចុះផ្សាយឲ្យដឹងថា មានចំនួន មនុស្ស សរុប ២៦៦ នាក់ បានរងរបួស ដោយសារតែ រញ្ជួយដី នៅភាគខាងជើង កោះ Aegean Gokceada ក្នុងប្រទេសទួកគី ។
តាមប្រភពព័ត៌មាន ទីភ្នាក់ងារ គ្រប់គ្រងគ្រោះអាសន្នក្នុងប្រទស បានឲ្យដឹងថា កម្រិតនៃការរញ្ជួយដី គឺមាន កម្រិត ៦,៥ រ៉ិចទ័រ ដោយវាយប្រហារប្រទេសទួកគី ។ ដោយឡែកទីភ្នាក់ងារសារព័ត៌មាន Dogan បានរាយការណ៍ថា ការរញ្ជួយដីនេះ ត្រូវបានគេចាប់អារម្មណ៍ នៅក្នុងតំបន់ដ៏ធំមួយ នៅភាគខាងលិច និង ភាគពាយ័ព្យ ក្នុងនោះមាន តំបន់ ម៉ាម៉ារ៉ា និង ទីក្រុង អ៊ីស្តង់ប៊ុល ដែលទីក្រុងធំបំផុតក្នុងប្រទេសនេះ ។អភិបាលខេត្ត Canakkele លោក Ahmet Cinar បានឲ្យដឹងថា រញ្ជួយដីនេះដែរមានរយៈពេល ២២ វិនាទី ។
សូមបញ្ជាក់ផងដែរថា សម្រាប់រញ្ជួយដី នៅ ទួកគី វាមិនមែន ជារឿង ចម្លែកនោះទេ ដោយកាលពីឆ្នាំ ១៩៩៩ មានគ្រោះរញ្ជូយកម្រិត ៧,៦ រ៉ីចទ័រ បានសម្លាប់មនុស្សជាង ១៧ ០០០ នាក់នៅ Izmit និង រញ្ជួយដីមួយផ្សេងទៀត មានកម្រិត ៧,២ នៅ Duzce ក្នុងឆ្នាំតែមួយបានសម្លាប់មនុស្ស ៨៩៤ នាក់ ៕
មតិយោបល់