ភ្នំពេញ ៖ មេកត់កន្ទុយលេខ៣នាក់ត្រូវបានសមត្ថកិច្ចនគរបាលខណ្ឌសែនសុខឃាត់ខ្លួន ខណៈដែលពួកគេកំពុងប្រព្រឹត្ដ បទល្មើសជាក់ស្ដែង (កំពុងកត់កន្ទុយលេខ) កាលពីវេលាម៉ោង៣និង៣០នាទីរសៀល ថ្ងៃទី២៦ ខែឧសភា ឆ្នាំ២០១៤ នៅក្នុងផ្សារបុរីទឹកថ្លា ស្ថិតនៅក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។
មេកន្ទុយលេខទាំង៣នាក់ដែលសមត្ថកិច្ចឃាត់ខ្លួនមានឈ្មោះ សឿន រុន ភេទស្រី អាយុ៣១ឆ្នាំ ស្នាក់នៅផ្សាររតនាផ្លាហ្សា ទី២៖ឈ្មោះ ផេន គីនរុន ភេទស្រី អាយុ៣២ឆ្នាំ ស្នាក់នៅជិតផ្សារបុរីទឹកថ្លា និងទី៣៖ ឈ្មោះ ស៊ីន ស៊ីណេន ភេទស្រី អាយុ៤២ឆ្នាំ ស្នាក់នៅជិតផ្សារបុរីទឹកថ្លា។ នោះសមត្ថកិច្ចដកហូតនូវវត្ថុតាងមានប្រាក់រៀលនិងសម្ភារៈមួយចំនួន។
បច្ចុប្បន្ន មេកន្ទុយលេខទាំង៣នាក់ត្រូវបានសមត្ថកិច្ចនាំខ្លួនទៅកាន់អធិការដ្ឋាននគរបាលខណ្ឌសែនសុខ ដើម្បីសាកសួរ កសាងសំណុំរឿងចាត់ការបន្ដតាមនីតិវិធី ៕
មតិយោបល់