តារាភាពយន្តដ៍ល្បីរបស់ហូលីវ៉ូដ និងជាតារាដែលមានសញ្ញាតិខ្មែរ នាង Angelina Jolie កាលពីថ្មីនេះ ត្រូវបានព្រះមហាក្សត្រី Queen Elizabeth ទី២ របស់ចក្រភពអង់គ្លេស ប្រទានងារកិត្តិយសជា “មហាសេនាកងទ័ពចក្រភពអង់គ្លេស” ។ នេះបើយោងតាមការចុះផ្សាយរបស់គេហទំព័រ People។
កាលពីថ្ងៃអាទិត្យកន្លងទៅនេះ ក្នុងពិធីចម្រើនព្រះជន្មវ័យ៨៨ ព្រះវស្សារបស់ព្រះមហាក្សត្រី Queen Elizabeth ទ្រង់បានប្រទានងារកិត្តិយសជា “មហាសេនាកងទ័ពចក្រភពអង់គ្លេស” ដល់តារាសម្ដែង Angelina Jolie។
ងារថ្មីដែលតារាភាពយន្តវ័យ ៣៩ឆ្នាំរូបនេះទទួលបាន គឺងារកិត្តិយសធំបំផុតមួយរបស់ព្រះមហាក្សត្រីអង្គនេះតំណាងឲ្យប្រជាជនអង់គ្លេសទាំងមូល សម្រាប់ការខិតខំប្រឹងប្រែងរបស់ Jolie លើការលើកកម្ពស់ការយល់ដឹងប្រឆាំងទៅនឹងអំពើហិង្សានានាមកលើស្ត្រី។
ប៉ុន្តែអ្នកខ្លះវិញបានលើកឡើងថា ការប្រទានងារថ្មីដល់ Jolie គ្រាន់តែជាងារកិត្តិយសប៉ុណ្ណោះ ដើម្បីបំពេញបេសកកម្មគោលនយោបាយការបរទេសរបស់អង់គ្លេសលើគំនិតផ្ដួចផ្ដើមប្រយុទ្ធប្រឆាំងទៅនឹងអំពើហិង្សាផ្លូវភេទ (PSVI) មកលើស្ត្រីភេទ៕
មតិយោបល់