ស្នេហា មានមនុស្សជាច្រើនឆ្ងល់ថា ជាអ្វី ? អត្តន័យជាអ្វី ? ហេតុបានជាធ្វើឲ្យមនុស្សឈឺចាប់ម្លេះ ? ស្នេហាត្រូវបានគេចាត់ទុកថាជាធាតុផ្សំដ៏សំខាន់មួយដើម្បីអាចទទួលបានទំនាក់ទំនងដ៏រ៉ូម៉ែនទិច។ បើទោះបីជាស្នេហាមានកត្តាផ្សេងទៀតជួយជំរុញ ទំនាក់ទំនងឲ្យដើរឆ្ពោះទៅមុខ និងយូរអង្វែង ហើយក៏គ្មានទំនាក់ទំនងស្នេហាណាមួយដែលមិនប្រែប្រួលនោះទេ ។
ដោយឡែកសម្រាប់ សារជាសំលេងមួយ ដែលត្រូវបានគេចែកចាយនៅលើបណ្តាញសង្គមហ្វេសប៊ុក សឹងតែធ្វើឲ្យគេស្រក់ទឹកភ្នែក តែស្តាប់ដល់ចុងបញ្ចប់ គឺគួរឲ្យអស់សំណើចទៅវិញ ដោយសារតែបុរសម្នាក់នោះ ជូនពរដល់អតីតសង្សារ ដូចគេដុតទាំងរស់។ ដំបូងឡើយ បុរសនោះ អង្វរហើយអង្វរទៀត សុំកូនចិត្ត ពីនារី ដែលខ្លួនគិតជាសង្សារ ក៏ប៉ុន្តែត្រូវនារីម្នាក់នោះ បដិសេធ មិនបានស្រលាញ់នោះទេ ដោយហាមប្រាមកុំឲ្យរវល់នឹងគេទៀត ។ និយាយគ្នាចុះឡើងៗ តាមរយៈទូរស័ព្ទ មួយសន្ទុះ បុរសម្នាក់នេះ ដោយដឹងថា នាងមិនស្រលាញ់ ក៏ជូនពរនាង អស់ពីកំហឹងចិត្ត ដូចគេដុតទាំងរស់តែម្តង ដែលធ្វើឲ្យ ស្ត្រីដែលខ្លួនគិតជាសង្សារក្តៅ ក្រហាយ ដូចគេយកខ្លាញកំពុងក្តៅលើខ្ទះ ចាកលើរាងកាយ ខណៈដែលពាក្យជូនពរបុរសម្នាក់នោះ ពិតជាឃោរឃៅ គឺ”បងសូមជូនពរអូនឲ្យជូបតែមនុស្សក្បត់” ជាមួយនឹងពាក្យជូនពរនេះ សឹងតែធ្វើឲ្យយើងផ្ទុះសំណើច ខណៈដែលនារីម្នាក់នោះក្តៅស្លឹកត្រចៀក។
តែទោះជាយ៉ាងណា ប្រភពសារសំលេងខាងលើ យើងមិនទាន់បានដឹងនៅឡើយថា ជារឿងពិត ឬគ្រាន់តែជាសារសំលេង របៀបកំប្លែង ដើម្បីទទួលការចាប់អារម្មណ៍ពីសំណាក់អ្នកលេងហ្វេសប៊ុក៕
ស្តាប់សំលេងជូនពរដូចខាងក្រោមនេះ៖
មតិយោបល់