បើយោងតាម glamourmagazine ចុះផ្សាយកាលពីថ្ងៃទី ១៧ ខែ មិថុនាម្សិលមិញនេះបានឲ្យដឹងថា នាង Miranda Kerr តារាម៉ូដែលសិចស៊ី របស់អូស្ត្រាលី បានចេញមុខច្រានចោលពាក្យចចាមអារាមថា ខ្លួនមានទំនាក់ទំនងស្នេហាជាមួយនឹង មិត្តប្រុស Angelina Jolie លោក Brad Pitt ។ ក្នុងនោះនាងបាននិយាយថា រឿងនោះ វាជារឿងដ៏គួរឲ្យអស់សំណើចតែប៉ុណ្ណោះ ។
នាងបានបន្តថា “ខ្ញុំធ្លាប់ជួបគាត់តែម្តងប៉ុណ្ណោះ។ អ្វីដែលខ្ញុំថាជួបនេះ វាមិនមែនសម្តៅទៅលើរឿងស្នេហានោះទេ ហើយក៏ចង់បញ្ជាក់ថា ខ្ញុំក៏ធ្លាប់មានទំនាក់ទំនងដែរ តែជារឿងការងារក្នុងសិល្បៈ ហើយក៏គ្មានហេតុផល ទំនាក់ទំនងរឿងស្នេហាដូចដែលគេបំផ្លើសនោះទេ ” ។
ពាក្យចចាមអារាមនេះមិនមែនជាលើកទី ១ របស់នាង នោះ បន្ទាប់ពីបែក ជាមួយនឹង Orlando Bloom ក្នុងនោះ នាង Miranda Kerr ក៏ចចាមអារាមថា មានទំនាក់ទំនងស្នេហាជាមួយនឹង សេដ្ឋី វ័យ ៤៦ ឆ្នាំ James Packer ។ ក៏ប៉ុន្តែរឿងនេះ នាងបានច្រានចោល ថា ពួកគេគ្រាន់តែជាមិត្តភក្តិ ព្រោះថាពេលនេះ ខ្ញុំចង់រីករាយជាមួយនឹងជីវិតខ្លួនមួយ មានកូន ១ ហើយអ្វីដែលខ្ញុំត្រូវគិតគឺរឿង ការងារ ៕
មតិយោបល់