កាលពីថ្ងៃទី ១៦ ខែ មិថុនា កន្លងទៅនេះ បុរសវ័យ ២៤ ឆ្នាំឈ្មោះ Devon Meek រស់នៅទីក្រុង អារីហ្សូណា ត្រូវបានតុលាសម្រេច ឲ្យ បុរសដែលគាំទ្រដ៏វក់វិ លើ Miley Cyrus ត្រូវតែធ្វើយ៉ាងណា ស្ថិតនៅ ចម្ងាយ ៩១ ម៉ែត្រ ក្នុងរយៈពេល ៣ ឆ្នាំ រាល់ការសម្តែង និង កន្លែងស្នាក់នៅរបស់ តារាស្រីវ័យ ២១ ឆ្នាំរូបនេះ ។ ច្បាប់ហាមប្រាមនេះ បន្ទាប់ពី Devon Meek ត្រូវបានគេចោទប្រកាន់ថា បង្ខូចដល់សុវត្ថិភាពផ្ទាល់ខ្លួន តារាសិចស៊ី ខាងលើ។
Devon Meek ត្រូវបានគេចាប់ខ្លួន កាលពីថ្ងៃទី ១៦ ខែ ឧសភា នៅជិតផ្ទះរបស់ នាង Miley Cyrus ក្នុងទីក្រុង ឡូអេនជើឡេស ដោយលួចមើលពីនាង ។បន្ទាប់មក Devon Meek ត្រូវបានបញ្ចូនទៅកាន់មន្ទីរពេទ្យផ្លូវចិត្ត នៅរដ្ឋកាលីហ្វ័រញ៉ា រយៈពេល ៣ ថ្ងៃ ។ នៅស្ថានីយ៍ប៉ូលិស បុរសរូបនេះបាននិយាយថា “បើសិនជាមិនបានឃើញ ឬជួបនាង Miley Cyrus សូមឲ្យប៉ូលិសយកកាំភ្លើងបាញ់ចំកណ្តាលក្បាលគាត់ទៅ គាត់មិនអាចអត់ជួបនាងបានទេ” ។ ជាងនេះទៅទៀត គាត់បាននិយាយថា ពេលដែលគាត់ចេញពីមន្ទីរពេទ្យ គាត់នឹងទៅស្វែងរកនាង បើមិនបានជួបនាងនឹងធ្វើអត្តឃាត។
តែទោះជាយ៉ាងណា កាលពីថ្ងៃចន្ទតុលាបានកាត់ក្តី ឲ្យ Devon Meek ស្ថិតនៅឲ្យឆ្ងាយ ពី Miley Cyrus ចម្ងាយ ៩១ ម៉ែត្រ រាល់ការសម្តែង និង កន្លែងរស់នៅរបស់នាង៕
មតិយោបល់