ភ្នំពេញ៖យោងទៅតាមប្រភពរបស់អគ្គនាយកដ្ឋានពន្ធដារកម្ពុជាបានបង្ហាញថាក្នុងកំទ្បុងពេល៥ខែ ដំបូងនៃឆ្នាំ ២០១៤ នេះប្រទេសកម្ពុជាទទួលបានប្រាក់ចំណូលពីការបង់ពន្ធចំនួន ៤៤៤ លានដុល្លារអាមេរិក មានការកើនទ្បើងចំនួន១២ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន ។ កំណើនប្រាក់ចំណូលខាងលើនេះ គឺបណ្ដាលមកពីការកើនឡើងប្រាក់ចំណេញពីការបង់ពន្ធលើប្រាក់បៀវត្សរ៍ ពន្ធតម្លៃបន្ថែមពន្ធពិសេសលើទំនិញសេវាមួយចំនួនពន្ធរថយន្តនិងពន្ធអចលនទ្រព្យជាដើម ។
កាលពីខែឧសភាកន្លងទៅអគ្គនាយកដ្ឋានពន្ធដាបានប្រមូលប្រាក់ចំណូលពីការបង់ពន្ធចំនួន ៩១លានដុល្លារអាមេរិកមានការកើនទ្បើង២៥ភាគរយខណៈដែលកាលពីខែឧសភាឆ្នាំមុននេះអាចទទួលបានត្រឹមតែចំនួន ៧៣លានដុល្លារអាមេរិកប៉ុណ្ណោះ។ ប្រភពដដែលបានអោយដឹងទៀតថាក្នុងអំឡុងខែមករាដល់ខែឧសភាឆ្នាំ ២០១៤ នេះប្រាក់ចំណូលពន្ធមានការកើនឡើងលើគ្រប់វិស័យដូចជា៖សេវាហិរញ្ញវត្ថុទូរគមនាគមន៍ ស្ថាបត្យកម្មសំណង់ ព្រលានយន្តហោះកំពង់ផែឧស្សាហកម្មកាត់ដេទេសចរណ៍ ម្ហូបអាហារនិងភេសជ្ជៈ ។
ចំនែកឯប្រាក់ចំណូលដែលបានមកពីនាយកដ្ឋានគយនិងរដ្ឋាករមិនត្រូវបានរាប់បញ្ចូលទេដូចជា៖ នាយកដ្ឋានប្រមូលពន្ធលើទំនិញដែលនាំចូលរឺចេញពីប្រទេស ៕
មតិយោបល់