នៅលើពិភពលោកគេស្គាល់ កោះបាលីយ៉ាងច្បាស់ថា ជាគោលដៅយ៉ាងសំខាន់ និងពេញនិយមពីសំណាក់ភ្ញៀវទេសចរណ៍ ។ កោះបាលី ស្ថិតនៅចន្លោះ Java និង Lombok ក្នុងប្រទេសឥណ្ឌូនេស៊ី ។ ភ្ញៀវទេសចរណ៍ ដែលមកទស្សនា នៅកោះបាលី នឹងទទួលបានបទពិសោធន៍ ជាមួយនឹងទិដ្ឋភាពដ៏គួរឲ្យទាក់ទាញ ក្នុងនោះមានសម្រស់ឆ្នេរ លក្ខណអាហារ និង ផ្សារទេសចរណ៍ដ៏ធំទូលាយ ។
ក្នុងចំណោមតំបន់ដែលគួរឲ្យចាប់អារម្មណ៍ភាគច្រើន ដែលមានភ្ញៀវទេសចរណ៍ចូលចិត្តទៅទស្សនាបំផុតនោះ គឺ ប្រាសាទ Ulun Danu ។ មួយទៀត ចំណុចដែលធ្វើឲ្យ ភ្ញៀវទេសចរណ៍មិនអាច ខានមកបាន ដោយសារតែឆ្នេរនៅទីនេះ មានលក្ខណៈល្អបំផុតនៅលើពិភពលោក ដោយហ៊ុំព័ទ្ធទៅដោយទេសភាពដ៏អស្ចារ្យ បំផុត ។
នៅលើឆ្នេរដ៏ស្រស់ស្អាត ភ្ញៀវដែលមកលេង នៅ បាលី អាច រីកយរាយ ដោយសម្រាក ហែលទឹក អែថ្ងៃ និងជាពិសេសនោះគឺគយគន់ទិដ្ឋភាពដ៏អស្ចារ្យនាថ្ងៃអស្តង្គត់ ។ម្យ៉ាងវិញទៀត នៅពេលរាត្រី លោកអ្នកក៏អាចទស្សនា របាំរបស់ប្រជាជនបាលី ក្នុងប្រទេសឥណ្ឌូនេស៊ី ដែលជាផ្នែកមួយនៃវប្បធម៌ ផងដែរ៕
ទស្សនាវិដេអូឃ្លិបដូចខាងក្រោមនេះ៖
មតិយោបល់