ក្រសួងពាណិជ្ជកម្មកម្ពុជា បានប្រកាសផ្តល់សិទ្ធិអំណាច ដល់មជ្ឈមណ្ឌលជាតិ នៃមជ្ឈ ត្តករផ្នែកពាណិជ្ជកម្ម ដើម្បីចាប់ប្រតិបត្តិការការងារ ដោះស្រាយវិវាទទាក់ទង ក្នុងវិស័យពាណិ- ជ្ជកម្មនៅក្នុងប្រទេសកម្ពុជា ហើយចាប់ពីពេលនេះតទៅរាល់វិវាទពាណិជ្ជកម្មអាចធ្វើការដោះ ស្រាយបាននៅក្នុងប្រទេសកម្ពុជា ដោយពុំចាំបាច់ទៅរកប្រព័ន្ធតុលាការ ឬនៅបរទេសឡើយ ។
ក្នុងពិធីបើកសន្និបាតប្រចាំឆ្នាំ កាលពីចុងសប្ដាហ៍កន្លងទៅនេះ លោក រស់ មុនិន្ទ ប្រ ធានមជ្ឈមណ្ឌលជាតិ នៃមជ្ឈត្តករផ្នែកពាណិជ្ជបានបញ្ជាក់ថា មជ្ឈមណ្ឌលនេះនឹងចាប់ផ្តើម ទទួលពាក្យបណ្តឹងទាក់ទងនឹងវិវាទពាណិជ្ជកម្ម ដើម្បីយកទៅដោះស្រាយ ហើយកាលដែល អាចចាប់ផ្តើមដោះស្រាយ ផ្សះផ្សារវិវាទ និងក្នុងមុខជំនួញនេះបានធ្វើឡើងបន្ទាប់មជ្ឈមណ្ឌល បានបង្កើតបទបញ្ញត្តិ ដើម្បីបំពេញការងារឲ្យមានឯករាជ្យភាព តម្លាភាព និងសុក្រឹតភាព សម្រាប់អ្នកមកទទួលសេវា។
លោកបានបន្តថា មានវិធានពាក់ព័ន្ធជាច្រើនដែលត្រូវបានអនុម័តសម្រាប់ដំណើរការ របស់មជ្ឈមណ្ឌល និងសម្រាប់ការចាត់ចែងទទួលរឿងក្តីក្នុង គោលដៅដោះស្រាយវិវាទពាណិ- ជ្ជកម្មនៅកម្ពុជា តាមការព្រមព្រៀងរបស់គូភាគី និងយន្តការធានាឲ្យកម្ពុជាមានគោលការណ៍ ដោះស្រាយវិវាទ តាមស្តង់ដារអន្តរជាតិ។ មុននេះនៅពេលកម្ពុជាមិនទាន់មានតុលាការពាណិ- ជ្ជកម្ម និងមានទាន់មានមជ្ឈមណ្ឌលដោះស្រាយវិវាទពាណិជ្ជកម្មនេះ ក្រុមពាណិជ្ជករបានរត់ ទៅរកតុលាការឲ្យដោះស្រាយ ឬក៏ទៅដោះស្រាយនៅប្រពន្ធ័តុលាការពាណិជ្ជកម្មនៅក្រៅ ប្រទេស។
ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្មមានប្រសាសន៍ថា ការបង្កើតក្រុម ការងារដោះស្រាយវិវាទផ្នែកពាណិជ្ជកម្មនេះមានសារសំខាន់ណាស់ នៅក្នុងខណៈពេល ដែលកម្ពុជាមិនទាន់មានតុលាការពាណិជ្ជកម្មនៅឡើយ។ ឯកឧត្តមបញ្ជាក់ថា បន្ទាប់ពីការ បង្កើតមជ្ឈមណ្ឌលដោះស្រាយជម្លោះនេះទៅ កម្ពុជានឹងទទួលបានផលចំណេញច្រើនខាង ផ្នែកវិនិយោគ ដោយហេតុថា កន្លងមកនេះ ក្រុមពាណិជ្ជករនៅពេលកើតមានជម្លោះពួកគេ ពិបាកស្វែងរកយុត្តិធម៌ ហើយក៏មិនចង់ស្វែងរកយុត្តិធម៌នៅប្រព័ន្ធតុលាការនៅកម្ពុជាដែរ ដោយរកទៅការដោះស្រាយនៅប្រទេសសិង្ហបុរីវិញ ដូច្នេះហើយបានជាតម្រូវឲ្យរដ្ឋាភិបាល បង្កើតក្រុមដោះស្រាយវិវាទពាណិជ្ជកម្ម។
បច្ចុប្បន្ននេះ ក្រុមអ្នកដោះស្រាយវិវាទពាណិជ្ជកម្មនេះមាន៥២ នាក់ ដែល៤២ នាក់មក ពីមជ្ឈមណ្ឌលមជ្ឈត្តករផ្នែកពាណិជ្ជកម្ម និង១០ នាក់ទៀតមកពីអង្គភាពសមាគមអ្នកពាណិ- ជ្ជករកម្ពុជា ហើយបានទទួលការបណ្តុះបណ្តាលពីប្រទេសសិង្ហបុរី ក្រោមជំនួយរបស់អង្គការ សារជីវកម្មហិរញ្ញវត្ថុអន្តរជាតិប្រចាំកម្ពុជា។ ទន្ទឹមនេះ ការប្រកបវិជ្ជាជីវៈនេះទាមទារឲ្យមាន ភាពសេរី ឯករាជ្យ ដើម្បីទទួលបានទំនុកចិត្ត អាចទាក់ទាញវិនិយោគិនឲ្យមករកស៊ីនៅកម្ពុជា បានកាន់តែច្រើន៕
មតិយោបល់