Update: ទីភ្នាក់ងារសារព័ត៌មានរុស្ស៊ី Interfax បានចុះផ្សាយដោយដកស្រង់នូវសម្ដីរបស់មន្ត្រីក្រសួងមហាផ្ទៃអ៊ុយក្រែន ថា យន្តហោះម៉ាឡេស៊ី MH17 ដែលមានអ្នកជិះជិត ៣០០នាក់ ត្រូវបានបាញ់ធ្លាក់ដោយមីស៊ីលរបស់ពួកសកម្មប្រយុទ្ធ Buk។
យន្តហោះដឹកអ្នកដំណើររបស់ប្រទេសម៉ាឡេស៊ី ដែលមានមនុស្សជិះ ២៩៥នាក់ បានធ្លាក់នៅព្រំដែនប្រទេសអ៊ុយក្រែន និងរុស្ស៊ី នៅថ្ងៃព្រហស្បតិ៍នេះ។ នេះបើតាងតាមការចុះផ្សាយរបស់ទីភ្នាក់ងារព័ត៌មានរុស្ស៊ី Interfax បានផ្សាយនៅមុននេះបន្ដិច។
យន្តហោះប្រភេទ Boeing បានហោះហើរពីទីរដ្ឋធានី Amsterdam ប្រទេសហូល្លង់ទៅកាន់ទីក្រុងកូឡាឡាំពួរប្រទេសម៉ាឡេស៊ី។ ទីភ្នាក់ងារព័ត៌មានសារព័ត៌មាន Reuters នៅមិនទាន់ទទួលបានដំណឹងបន្ថែមស្ដីពីការធ្លាក់យន្តហោះនេះនោះទេ។
ទីភ្នាក់ងារព័ត៌មានរុស្ស៊ីខាងលើបានចុះផ្សាយថា យន្តហោះបានធ្លាក់ចុះពីកម្ពស់ ៥០គីឡូម៉ែត្រ ដោយបានធ្លាក់ចុះនៅក្នុងដែនអាកាសរុស្ស៊ី។
យោងតាមប្រភពព័ត៌មានពី Malaysia Airlines បានឲ្យដឹងថា យន្តហោះ MH17 បានបាត់ដានចាប់ក្រោយពេលចេញពីរដ្ឋាធានី Amsterdam ពោលគឺនៅលើដែនអាកាសនៃប្រទេសអ៊ុយក្រែន៕
មតិយោបល់