ភ្នំពេញ៖ យុវជនម្នាក់បានជិះម៉ូតូមួយគ្រឿងក្នុងល្បឿនលឿនដែលមិនបានគោរពភ្លើងស្តុប ក៏ជ្រុល ទៅបុកម៉ូតូគ្រឿងទៀតចំពាក់កណ្តាលម៉ូតូ បណ្តាលឲ្យម្ចាស់ទាំងពីររងរបួសធ្ងន់និងស្រាលពីរនាក់ កាលពីម៉ោង ៨និង២០ នាទីយប់ ថ្ងៃទី២៤ ខែកក្កដា ឆ្នាំ២០១៤នៅចំណុចស្តុបសន្ធរម៉ុក តាមបណ្តោយផ្លូវកម្ពុជាក្រោម កែងផ្លូវម៉ៅសេទុង ស្ថិតក្នុង សង្កាត់ ទឹកល្អក់១ ខណ្ឌទួលគោក ។
ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់បានជិះម៉ូតូ មួយគ្រឿង ម៉ាកហុងដា វេវ ពណ៌ ក្រហម ពាក់ស្លាកលេខ កណ្តាល 1A-9403 បានជិះធ្វើដំណើរ តាមបណ្តោយផ្លូវ កម្ពុជាក្រោម ក្នុងទិសដៅពី លិចទៅកើត ដោយជិះក្នុងល្បឿនលឿន ហើយមិនបាន គោរពភ្លើងស្តុប ទោះជាភ្លើងក្រហមហើយគេនៅតែជិះទៅទៀត ក៏បណ្តាលឲ្យជ្រុលទៅបុកម៉ូតូ មួយ គ្រឿងទៀតម៉ាក ម៉ាកហុងដា វេវ អេស ពណ៌ ខ្មៅ ពាក់ស្លាកលេខ ភ្នំពេញ 1T-9897 ជិះដោយ បុរស ម្នាក់បានធ្វើ តាមបណ្តោយផ្លូវម៉ៅសេទុង ក្នុងទិសដៅ ពីជើងទៅត្បូង ពេញទំហឹងធ្វើឲ្យម្ចាសម៉ូតូ ម៉ាកហុងដា វេវ អេស រងរបួសធ្ងន់ត្រូវដឹកតាមរថយន្តរបស់បងប្អូនទៅព្យាបាលនៅមន្ទីរពេទ្យ ចំណែកម្ចាស់ម៉ូតូ ម៉ាកហុងដា វេវ គ្រាន់តែរងរបួសស្រាល ហើយចំណែកម៉ូតូ ទាំងពីរគ្រឿងវិញ គ្រាន់ តែខូចខាតបន្តិចបន្តួចប៉ុណ្ណោះ។
បន្ទាប់ពីកើតហេតុសមត្ថកិច្ចជំនាញចរាចរណ៌ចុះវាស់វែងនិងអូសយកម៉ូតូទាំងពីគ្រឿងខាងលើ ទៅរក្សាទុកនៅខណ្ឌទួលគោក រងចាំដោះស្រាយគ្នាតាមផ្លូវច្បាប់៕
មតិយោបល់