ភ្នំពេញ ៖ រថយន្តកាមរីបាឡែនបើកក្នុងល្បឿនលឿន ជ្រុលបុករថយន្តមួយគ្រឿងទៀតចត់មុខ ផ្ទះអូសទៅ បុកនិងម៉ូតូ ហើយរថយន្តនៅមិនទាន់អស់ល្បឿនក៏ទៅបុកបង្គោលភ្លើងមួយ ដើមគាប់ជាប់ ទៅមុខ លែងរួច ហើយក្នុងហេតុការណ៍នេះដែលក៏បណ្តាលឱ្យបុរសម្នាក់រងរបួសស្រាលផងដែរ កាលពីវេលាម៉ោង១០និង៥៥នាទីយប់ថ្ងៃទី ២៤ កក្កដា២០១៤ នៅចំណុចសង្កាត់ផ្សារដេប៉ូ២ ខណ្ឌទួលគោក។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុកគេឃើញរថយន្តកាមរីបាឡែនពណ៌ ស្ក ពាក់ស្លាកលេខ ភ្នំពេញ 2Q-8001បើកបរដោយបុរសម្នាក់និងរួមដំណើរជាមួយ បុរសម្នាក់ទៀត បានធ្វើដំណើរតាមបណ្តោយផ្លូវលេខ ១៣៨ ក្នុងទិសដៅពីត្បូងទៅជើង ខណៈមកដល់ចំណុចកើតហេតុក៏បានទៅបុកនិងចំហៀង រថយន្តមួយគ្រឿងទៀតម៉ាក វិតូស ពណ៌ ក្រហម ពាក់ស្លាក 2T-1905 ដែលកំពុងចត់នៅមុខផ្ទះ ធ្វើឲ្យរថយន្ត វិតូស រុញទៅបុកនិងម៉ូតូ សង់កូរេ មួយគ្រឿងទៀត ពាក់ស្លាកលេខ គព-៣៣៣១ ពេលដែលបុរសម្នាក់កំពុងអូសម៉ូតូចូលក្នុងផ្ទះរបស់គាត់ ក៏បណ្តាលឲ្យ បានប៉ះ របួសដៃស្តាំស្រាល ហើយរថយន្តបង្កហេតុនេះមិនទាន់អស់ល្បឿនក៏បានវេចង្កូតជ្រុលទៅបុកបង្គោលភ្លើងមួយដើមទៀតបណ្តាលឱ្យរថយន្តគាប់ជាប់ទៅមិនមុខ លែងរួចហើយក៏ម្ចាស់ រថយន្ត បង្កហេតុ នេះបានបើកទ្វាររថយន្តចេញគេចខ្លួនបានម្នាក់និងម្នាក់ទៀតត្រូវ ប្រជាពល រដ្ធឃាត់ ខ្លួន ប្រគល់ឲ្យសមត្ថកិច្ចជាអ្នកដោះស្រាយ ។
ហើយបើតាមការនិយាយរៀបរាប់របស់បុរសដែលដែលត្រូវប្រជាពលរដ្ធឃាត់ខ្លួនខាងលើនេះបាន ប្រាប់សមត្ថកិច្ចថា គេមិនមែនជាអ្នកបើកបរហើយក៏មិនមែនជាម្ចាស់រថយន្តនេះដែលគេ គ្រាន់តែ ជាជាងធ្វើម៉ាស៊ីនត្រជាក់ហើយគេហៅមកជួសជុលឲ្យគេប៉ុណ្ណោះ ទើបបានមកជួប គ្រោះ ថ្នាក់នេះតែ ម្តងទៅ។
បន្ទាប់ពីកើតហេតុសមត្ថកិច្ចជំនាញចរាចរណ៌ចុះវាស់វែង រថយន្តដែលគ្រោះ ថ្នាក់ចរាចរណ៏ ខាង លើនេះទៅរក្សាទុកនៅការិយាល័យចរាចរផ្លូវគោកនៃអធិការដ្ឋាននគរបាលរាជធានីភ្នំពេញដើម្បីធ្វើ ការដោះស្រាយគ្នាទៅតាមផ្លូវច្បាប់៕
មតិយោបល់