ភ្នំពេញ ៖ បុរសម្នាក់កំពុងជិះម៉ូតូស្រាប់តែមានរថយន្តកុងតឺន័រមួយគ្រឿងបត់ស្ដាំមិនប្រយ័ត្នក៏ជ្រុលទៅបុកម៉ូតូចំពីក្រោយនិងកិនម៉ូតូ បណ្ដាលអោយជនរងគ្រោះដួលបោកនិងថ្នល់រងរបួសបែកក្បាលនិងសន្លប់ស្ដូកស្ដឹង ចំណែកតៃកុងរថយន្តកុងតឺន័របានរត់គេចបាត់។ ហេតុការណ៍នេះបានកើតឡើងកាលពីវេលាម៉ោង៦និង៥០នាទីយប់ថ្ងៃទី១២ខែសីហាឆ្នាំ២០១៤ ត្រង់ចំណុចមុខរោងចក្រផលិតថាមពលអគ្គិសនី៤៥មេហ្គាវ៉ាត់ តាមបណ្ដោយផ្លូវបេតុង ស្ថិតក្នុងភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
ប្រភពព័ត៍មានពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់ជិះម៉ូតូសង់កូរ៉េស៊េរីចាស់១គ្រឿងមិនមានស្លាកលេខធ្វើដំណើរតាមបណ្ដោយផ្លូវបេតុងច្រកចូលរោងចក្រផលិតថាមពលអគ្គិសនី៤៥មេហ្គាវ៉ាត់ ស្រាប់តែជិះមកជិតដល់មុខរោងចក្រម៉ូតូក៏បានបើកវ៉ារថយន្តកុងតឺន័រហើយបត់ស្ដាំដោយសារកកស្ទះចរាចរខ្លាំងពេកជនរងគ្រោះក៏បានបន្ថយល្បឿន ស្រាប់តែរថយន្តកុងតឺបើកមកពីក្រោយបត់ស្ដាំមិនប្រយ័ត្នក៏ជ្រុលទៅបុកម៉ូតូជនរងគ្រោះចំពីក្រោយនិងកិនម៉ូតូ ជាប់ក្រោមកង់រថយន្តបណ្ដាលអោយជនរងគ្រោះដួលបោកនិងថ្នល់រងរបួសបែកក្បាលសន្លប់ស្ដូកស្ដឹង។ បន្ទាប់ពីកើតហេតុតៃកុងរថយន្តកុងតឺន័របានបើកទ្វាររថយន្តរួចរត់គេចបាត់ ចំណែកជនរងក៏ត្រូវបានប្រជាពលរដ្ឋដឹកតាមម៉ូតូរ៉ឺម៉កកង់៣បញ្ជូនទៅមន្ទីរពេទ្យសង្គ្រោះភ្លាមៗផងដែរ។ ក្រោយកើតហេតុសមត្ថកិច្ចមូលដ្ឋានក៏បានចុះមកអន្តរាគមន៍និងធ្វើការវាស់វែងដោះស្រាយទៅតាមផ្លូវច្បាប់៕
មតិយោបល់