អេស្ប៉ាញ៖ សម្រាប់ការប្រកួតជើងទី ១ នៅក្នុងក្របខណ្ឌ Copa del Rey ដែលបញ្ចប់វេលាម៉ោង ៤ ទៀបភ្លឺនេះ ក្លិប Real Madrid បានត្រឹមតែ ស្មើ ១ – ១ ជាមួយនឹងក្លិប ម្ចាស់ជើងឯក La Liga Atlético Madrid តែប៉ុណ្ណោះ ។ ដោយឡែកសម្រាប់ជើងទី ២ ក្លិប Atlético Madrid នឹងទទូល Real Madrid វិញ នៅថ្ងៃទី ២៣ ខែ សីហានេះ ។
កីឡាករ James Rodriguez បានរកគ្រាប់បាល់ជូនក្លិបដំបូង នៅនាទី ៨០ ខណៈដែលបាល់ ស្ថិតក្នុងលក្ខណៈស្រវ៉េស្រវ៉ានៅមុខ ទី Atlético Madrid ក៏ជាឱកាស កីឡាករសញ្ជាតិកូឡ៊ុំប៊ីរូបនេះទាត់បំប៉ោងសំណាញ់ តែម្តង ។ តែសំណាងអាក្រក់របស់ Real Madrid នៅនាទី ៨៨ ខណៈដែលបាល់ជ្រុងរបស់ Atlético Madrid ក៏ភ្លាត់ស្នៀត ធ្វើឲ្យ Raul Garcia មានឱកាសស្វែងរកគ្រាប់បាល់តាមស្មើ ជូនក្លិប ។
មុនការប្រកួតនេះដែរ គ្រូបង្វឹកក្លិប Atlético Madrid លោក Diego Simeone ក៏បានសសើរដល់ ក្លិប Real Madrid ថាក្លិបនេះនឹងខ្លាំងជាងរដូវកាលមុន ដោយពាំនាំកីឡាករល្អ ក្នុងនោះមាន Toni Kroos និង James Rodriguez ដែលសំឡឹងឃើញពី World Cup ។ ទោះជាយ៉ាងនេះក្តី សម្រាប់ការប្រកួតនៅ ពហុកីឡដ្ឋាន Bernebeu ក្លិប Real Madrid មិនអាចលុត ក្លិប Atlético Madrid បានឡើយដោយត្រឹមតែស្មើ ១ – ១ តែប៉ុណ្ណោះ ។ ដោយឡែកជើងទី ២ តើ Real Madrid អាចមានសង្ឈឹមដែរឬទេ នៅលើទឹកដី Diego Simeone ?
បញ្ជាក់ផងដែរថា ក្លិប Real Madrid នៅមុនរដូវកាលថ្មីចាប់ផ្តើមក្រុមរបស់លោក Carlo Ancelotti បានឈ្នះពាន១មួយរួចហើយគឺពានបើករដូវកាល Champions បន្ទាប់ពីបានយកឈ្នះ ក្រុមអេស្ប៉ាញដូចគ្នា Sevilla ២-០ ៕
ទស្សនាឃ្លិបដូចខាងក្រោមនេះ៖
មតិយោបល់