ក្រុមឆ្មាខ្មៅ Sunderland កំពុងស្វែងរកវិធី ដើម្បីដាក់សំពាធ ទៅលើ ក្រុម បិសាចក្រហម Manchester United ដែលជួបគ្នា នៅ ពហុកីឡដ្ឋាន Stadium of Light វេលាម៉ោង ១០ និង ០០ នាទីយប់នេះ។
ការប្រកួតបើកឆាកដំបូង ឆ្មាខ្មៅ អាចប្រកួតបានត្រឹមតែស្មើ ២ – ២ ជាមួយនឹង West Brom នៅ Hawthorns ខណៈដែល បិសាចក្រហម ដេកស្អាត ដោយចាញ់ក្រោមថ្វីដៃ ក្លិបក្ងានព្រៃ Swansea ។
អ្នកចាត់ការទូទៅក្លិប ឆ្មាខ្មៅ Poyet នឹងបញ្ចូល អ្នកការពារ Billy Jones និង Santiago Vergini សម្រាប់ការប្រកួតនេះ បន្ទាប់ពីអវត្តមានប្រកួតជាមួយនឹង Baggies (West Brom) ។
កីឡាករ Billy Jones នឹងវិលត្រឡប់មកវិញ បន្ទាប់ពីបញ្ហារបួសគន្លាកសរសៃពួរ ស្របពេលដែល កីឡាករ Santiago Vergini អាកខានដោយសារតែបញ្ហារដ្ឋបាល ។
ទោះជាយ៉ាងណាខ្សែបម្រើ Emanuele Giaccherini នឹងអវត្តមានសម្រាប់ការប្រកួត នៅរាត្រីនេះ ដោយបន្តការព្យាបាល របួសក្រលៀនរបស់ខ្លួន ។
ទន្ទឹមនឹងនេះ ខ្សែប្រយុទ្ធបិសាចក្រហម Manchester United កីឡាករ Robin van Persie ត្រូវបានរំពឹងថា នឹងដាក់បញ្ចូការលេង នៅរាត្រីនេះ បន្ទាប់ពីអវត្តមាននៅថ្ងៃបើកឆាក ។
សម្រាប់ការប្រកួត ដំបូង របស់អ្នកគ្រប់គ្រងថ្មី Louis van Gaal ពិតជាទទួលរងការយ៉ាប់យឺន ដោយសារតែ បាត់បង់ កីឡាករជាច្រើន ព្រោះតែបញ្ហារបួស ក្នុងនោះ ខ្សែការពារ Jonny Evans របួសជើង Luke Shaw របួសរសៃពួរជើង និង Marcos Rojo ដែលទើបតែទិញថ្មី មិនត្រូវបង្ហាញខ្លួនស្ថិតក្នុងបណ្ណការងារ ហើយ Jesse Lingard រងរបួសក្បាលជង្គង់យូរអង្វែងបំផុត ។ ដោយឡែក Rafael របួសក្រលៀន និង ខ្សែប្រយុទ្ធ Danny Welbeck របួស ជង្គង់ ធ្វើឲ្យ Louis van Gaal ក្រពុលមុខ ៕
មតិយោបល់