ទីក្រុងហ្វ្រីថោន៖ សាធារណរដ្ឋប្រជាធិបតេយ្យកុងហ្គោ នៅថ្ងៃចន្ទនេះ បានបញ្ជាក់ថា មានកើតករណីជំងឺ Ebola ដំបូងចំនួនពីរករណី នៅក្នុងឆ្នាំនេះ ខណៈដែលអង្គការសុខភាពពិភពលោក (WHO) បានប្រកាសថាក្រុមអ្នកជំនាញមួយរូបរបស់ខ្លួនត្រូវបានឆ្លងមេរោគ ខណៈពេលដែលធ្វើការនៅក្នុងប្រទេសសេរ៉ាឡេអូន។ នេះបើយោងតាមការចុះផ្សាយរបស់ Channel News Asia។
នៅពីថ្ងៃអាទិត្យម្សិលមិញនេះ ចក្រភពអង់គ្លេសក៏បានប្រកាសឲ្យដឹងថា បុរសម្នាក់ដែលជាបុគ្គលិកពេទ្យបម្រើការងារនៅក្នុងប្រទេសសេរ៉ាឡេអូនបានឆ្លងមេរោគមួយនេះផងដែរ។ នេះបើយោងតាមការបញ្ជាក់ពីមន្ទីរពេទ្យទីក្រុងឡុងដ៍។
គួរបញ្ជាក់ផងដែរថា WHO បានចេញសេចក្ដីប្រកាសកាលពីថ្ងៃសុក្រសប្ដាហ៍មុនថា ជំងឺដ៏កាចសាហាវមួយនេះបានឆ្លងទៅលើមនុស្សប្រមាណជា ២.៦០០នាក់ ហើយបានសម្លាប់មនុស្ស១.៤២៦នាក់៕
មតិយោបល់