ព្រៃវែង ៖ កាលពីថ្ងៃទី ២៨ ខែ សីហា ម្សិលមិញនេះ នៅស្រុកពារាំង ខេត្តព្រៃវែង មានករណី ក្មេងប្រុសម្នាក់ លួចបេះផ្លែដូង តែម្ចាស់ដូងមិនត្រាប្រពៃណី ចាប់ក្មេងនោះ ជ្រមុជទឹកពាង ស្ទើរស្លាប់ស្ទើរស់ ខណៈដែលដៃទាំងពីរចងស្លាបសេក។
រឿងដ៏រសើបនេះដែរ ត្រូវបានអ្នកនិយមលេងបណ្តាញសង្គមហ្វេសប៊ុក ម្រមាថ កាតទាន ដល់ម្ចាស់ចំការ ក៏ដូចជាជនដែលធ្វើទារុណកម្ម ដល់កុមារ ដែលគេចាត់ទុកជាចោរនោះ ។ ការជេប្រទិចផ្តាសា ដល់ ជនខាងលើ ក្រោយម្ចាស់គណនី ឈ្មោះ ហេង វណ្ណី បានសរសេរនៅលើគណនីរបស់ខ្លួនថា “ចាប់បានចោលលួចបេះដូងយាយផល្លានៅចំកាជើង” កាលពី ១៣ ម៉ោងមុន ។ ក្រោយការចែកចាយរូបភាពធ្វើទារុណកម្ម ចំពោះចោរ ក្នុងវ័យកុមារនេះ អ្នកនិយមលេងអនឡាញ ចាត់ទុកថា ទង្វើនេះ មិនខុសពី មេអាពត ក្នុងសម័យរបបពិឃាត ដ៏ខ្មៅងងឹត ក្នុងឆ្នាំ ៧៩ ឡើយ ។ រហូតមកទល់នឹងព្រឹកថ្ងៃទី ២៩ ខែ សីហា នេះ រូបភាពនេះ នៅតែក្លាយជាប្រធានបទដ៏ក្តៅគគុក ផ្អើលពេញបណ្តាញសង្គមហ្វេសប៊ុក ។
ហេតុដូចនេះ អាជ្ញាធរ ក្នុងស្រុកភូមិ ពារាំង ខេត្តព្រៃវែង គួរតែ វែកមុខ ជនខាងលើ និងសួរណែនាំ មូលហេតុអ្វី បានជាធ្វើទារុណកម្ម ដល់ក្មេងម្នាក់នេះ ឬ ក្មេងម្នាក់នេះ ជាចោរដ៏សកម្ម ដែលតែងតែលួចផ្លែដូងជាញឹកញយ ឬយ៉ាងណា ? តែបើសិនជា ករណីលួចញយមែន គួរតែមានវិធានការ ទៅតាមច្បាប់ មិនគួរណា ដល់ថ្នាក់ចាប់ជ្រមុជទឹក ពាងស្ទើស្លាប់ស្ទើរស់ នោះឡើយ គួរគិតថាប្រទេសមានច្បាប់ តែមិនគួរណាយកច្បាប់ព្រៃ សម័យ ៧៩ មកប្រើនោះទេ ។ មួយវិញទៀត បើសិនជាខាង អង្គការពិភពលោក ដែលគាំពារលើកុមារ ឃើញទង្វើនេះ គេនឹងថ្កោទោសអាជ្ញាធរ ក៏ដូចជារដ្ឋាភិបាល ដែលមិនមានវិធានការត្រឹមត្រូវ លើបញ្ហាអង្គរកំប៉ុង នេះ ៕
មតិយោបល់