ភ្នំពេញ៖ តារាកំប្លែង ដ៏ល្បីល្បាញ ដែលត្រូវបានគេប្រសិទ្ធនាមឲ្យងារជាតារាកំប្លែងមុខ ស្ងួត នោះគឺនាយគ្រឿន កំពុងទទួលបានការគាំទ្រពីសំណាក់មហាជន នៅទូទាំងប្រទេស តាមរយៈសម្តីចាក់ទឹកមិនលិចរបស់គាត់ ។
តារាកំប្លែង ដែលមានស្រុកកំណើតនៅខេត្តស្វាយរៀង ថ្មីៗនេះបានធ្វើឲ្យ ទស្សនិកជនមួយចំនួនធំ ភ្ញាក់ផ្អើល ដោយ សរសេរនៅទំព័របណ្តាញសង្គមរបស់ខ្លួន ដោយភ្ជាប់មកជាមួយនឹងវិដេអូថា “អ្នកនឹងមានអារម្មណ៍ថា…បន្ទាប់ពីមើលវីដេអូនេះរួច!!! ហើយបើមិនស្គាល់ព្រុំប្រទល់ស្វាយរៀង កុំចេះតែហ៊ានសួរគេពេកណា !!! Share ទាំងអស់គ្នាណា” ។ វីដេអូឃ្លិបនេះត្រូវបានក្រុមទំព័រអ្នក Troll យកទៅកែច្នៃបន្ថែម ខណៈដែលគណៈកម្មាការនេះ រងការរិះគន់យ៉ាងចាស់ដៃលើទំព័រហ្វេសប៊ុក ជាយូរណាស់មកហើយនោះ ។
ជាមួយនឹងវីដេអូឃ្លិប ដែលបង្ហោះភ្ជាប់នឹងពាក្យពេចន៍ ដែលបង្កប់ន័យ រិះគន់ទៅលើ គណៈកម្មាការរូបនោះ ដែលសួរទៅបេក្ខជន មកធ្វើតេស្ត ត្រូវបានគេយល់ឃើញថា នាយ គ្រឿន ចង់ថា គណៈកម្មាការរូបនេះ មិនស្គាល់ព្រំប្រទល់ខេត្តស្វាយរៀង បានច្បាស់លាស់ផង ហានទៅផា ឲ្យ បេក្ខជនរូបនោះ ។ គណៈកម្មការរូបនោះបានសួរថា “ប្អូន ខេត្តស្វាយរៀង ប្អូនឯងប៉ែកខាងឆ្លងដអ្នកលឿងអត់ទេ ?” សំនួរនេះជាក់ណាស់ គណៈកម្មាការនេះ មិនស្គាល់ព្រំប្រទល់ខេត្វស្វាយរៀងនោះទេ ព្រោះថាអ្នកលឿង ជាទីប្រជុំជនមួយ ក្នុងខេត្តព្រៃវែង ហើយព្រំដែនស្វាយរៀង និងព្រៃវែង នៅក្រោលគោឯនោះ ខុសគ្នារាប់សិបគីឡូម៉ែត្រ ។ តែទោះជាយ៉ាងណា អ្វីដែលធ្វើឲ្យគេរិះគន់ទៅលើ គណៈកម្មាការរូបនោះ គឺត្រង់ ថា មិនសមជាគណៈកម្មាការនោះទេ ដោយមានសម្តីអសីលធម៌ ការធ្វើតេស្តសោះ ចាំបាច់អី ដល់ថ្នាក់នេះ និង អ្នកបណ្តាញសង្គមហ្វេសប៊ុកចំនួនហានប្រើពាក្យមិនសមរម្យទៅលើ គណៈកម្មាការរូបនេះទៀតផង ។
ជុំវិញនៃបញ្ហាបង្ហោះវីដេអូលើទំព័រ នាយគ្រឿន CTN នេះ យើងមិនទាន់ដឹងច្បាស់ថា ទំព័រនេះ ជាទំព័រហ្ស៊ីន របស់នាយគ្រឿន ឬក៏យ៉ាងណា ខណៈដែលយើងមិនអាចសុំការបញ្ជាក់បាន នៅរសៀលនេះ ៕
ទស្សនាឃ្លិបដូចខាងក្រោមនេះ៖
មតិយោបល់