អេស្ប៉ាញ៖កីឡាករ Cristiano Ronaldo ក្នុងអំឡុងពេលប្រកួតកាលពីរាត្រីយប់មិញនេះ បានបំបែកគ្រាប់បាល់ ហ៊ែកទ្រីក បន្តទៀតហើយ ដោយជួយឲ្យក្លិប អធិរាជស Real Madrid យកឈ្នះ ក្លិប Athletic Bilbao ដោយលទ្ធផល ៥ ទល់នឹង០ ធ្វើឡើងនៅពហុកីឡដ្ឋាន Santiago Bernabeu ។
កាលពីរាត្រីយប់មិញនេះដែរ កីឡាករ Gareth Bale ជាគន្លឺះដ៏សំខាន់ ដែលជួយឲ្យ Ronaldo បើកឆាក រកគ្រាប់បាល់ និងបន្តរកគ្រាប់បាល់ ដោយគ្រាប់បាល់លើកដំបូងរកសបាននៅនាទី ទី ៣ គ្រាប់បាល់ទី ២ របស់ Ronaldo រកបាននៅនាទី ៥៥ និងគ្រាប់បាល់ទី ៣ ដែលជាគ្រាប់បាល់ហ៊ែកទ្រីក រកបាននៅនាទី ៨៨ ខណៈដែល Karim Benzema រកបាន ២ គ្រាប់នៅនាទី ៤១ និង ៦៩ នោះ ។
ភ្ញៀវ Athletic Bilbao ដែលជាក្លិបមួយទន់ខ្សោយស្ថិតនៅលេខរៀងទី ១៨ នៃតារាង ដោយ ៧ ប្រកួតមាន ៤ ពិន្ទុ ស្របពេលដែល Real មាន ១៥ ពិន្ទុ នៅលេខរៀងទី ៤ នៃតារាង ។
បញ្ជាក់ផងដែរថា ថ្មីៗនេះដែរ មានចចាមអារាមក្លិបពីរ នោះគឺអតីតក្លិបបិសាចក្រហម និង មេឃខៀវ បាននឹងកំពុងត្របាញ់ជើងត្រៀមលុយ នាំយកកីឡាករ Ronaldo មកវិញ ក៏ប៉ុន្តែ គ្រូបង្វឹកក្លិប Real Madrid លោក Carlo Ancelotti បានចេញមុខអះអាងថា Ronaldo មិនចាកចេញនោះទេ ដោយបន្តលេងនៅក្លិបជាច្រើនឆ្នាំទៀត៕
ទស្សនាឃ្លិបដូចខាងក្រោមនេះ៖
មតិយោបល់