យោងតាមសេចក្តីរាយការណ៍នាពេលចុងក្រោយបានឲ្យដឹងថា ក្លិបបិសាចក្រហម Manchester United នឹងដាក់សំណើរទឹកប្រាក់ប្រមាណ១២លានផោនដើម្បីនាំយកកីឡាករ Ryan Shawcross (រ៉ាយអេន សរក្រូស) មកកាន់ទឹកដី Old Trafford វិញ ។
គ្រូបង្វឹក Louis van Gaal នឹងត្រូវព្យាយាមនាំយកខ្សែការពារស្តាំនិងខ្សែបម្រើកណ្តាលឲ្យបាននៅពេលទីផ្សារដោះដូរកីឡាករបើកទ្វាជាថ្មីនៅខែមករាខាងមុខនេះហើយប្រធានក្រុមរបស់ក្លិប Stoke រូបនេះគឺកំពុងស្ថិតក្នុងបញ្ជីកីឡាករដែលក្លិបបិសាចក្រហមចង់បានបំផុត ។
កីឡាករវ័យ២៧ឆ្នាំរូបនេះបានចាកចេញពី Manchester United កាលពី៦ឆ្នាំមុនដោយសារតែរូបគេមិនបានជាប់ជាជម្រើស១១នាក់ដំបូងក្នុងក្រុមឈុតធំហើយក៏បានផ្លាស់ទៅលេងឲ្យ ក្លិប Stoke ។
គួរបញ្ជាក់ថា Shawcross បង្ហាញខ្លួនឲ្យ Stoke បានចំនួន២២៧ប្រកួតដោយស៊ុតបញ្ចូលទីបានចំនួន១២គ្រាប់ ៕
មតិយោបល់