ភ្នំពេញ៖ រឿង ” 2 Brother ឬ ២ នាក់បងប្អូន” ដែលដឹកនាំសម្តែង ដោយ តារាកំប្លែង នាយពែកមី ចេញ Trailer ភ្លាម ធ្វើឲ្យទស្សនិករាប់ម៉ឺននាក់ ចាប់អារម្មណ៍ លើរឿងមួយនេះ ជាពិសេស អ្នកលេងបណ្តាញសង្គមតែម្តង ។
បើទោះបីជារឿងនេះ ទទួលបានការចាប់អារម្មណ៍ ក្តី តែ អ្វីដែល ផលិតកម្ម LD Picture គួរតែភ័យព្រួយបារម្ភនោះ គឺត្រង់រឿងនេះ មានឈុតស្រាត ដែលចំណុចមួយ ប្រទាំងប្រទើស និងប៉ះទង្គិច ដល់អារម្មណ៍ អ្នកទស្សនា ជាពិសេសក្មេងៗ ជាសិស្សសាលា ដែលមិនគួរឃើញ បែរជាឃើញ នូវឈុតស្រាតនេះ ។
កន្លងមក រឿងខ្នាតធំ “ស្បែកគង់” ដែលមានឈុតស្រាត របស់ តារាស្រី ឌុច លីដា ត្រូវបាន ក្រសួងវប្បធម៌ និងវិចិត្រ សិល្បៈ បើកភ្នែកឃើញ ដោយឲ្យរឿងនេះ ខាត់បង់ ជាច្រើនម៉ឺន ដុល្លារ ខណៈដែលរឿងនេះ ចាប់ផ្តើមវាយលុកលើទីផ្សារ អាស៊ី ជាបណ្តើរៗនោះ ។
ចំណែករឿង ” 2 Brother ឬ ២ នាក់បងប្អូន “ ក៏មានឈុតស្រាត មិនខុសពីរឿង”ស្បែកគង់” ប៉ុន្មាន ឡើយ ដែលជាដើមចម មួយ ក្លាយជាប្រធានពិភាក្សា លើចំណុចនេះ ដោយចោទជាសំណួរបណ្តើរៗឡើងថា “តើ ក្រសួងវប្បធម៌ និងវិចិត្រ សិល្បៈ បើកភ្នែកឃើញហើយឬនៅ ?” សំនួរនេះដែរ ក៏មានចម្លើយបណ្តើរៗដែរ ដោយមតិមហាជនខ្លះថា ក្រសួងបើកមិនឃើញនោះទេ ដោយត្រូវ ប្រាក់អាមេរិក បិទភ្នែកជិត មើលមិនឃើញឈុតស្រាតនោះឡើយ ។ មតិខ្លះឆ្ងល់ថា តើក្រសួងនេះ ធ្វើអ្វី បានជាបណ្តែតបណ្តោយដល់ថ្នាក់នេះ អ្វីដែលឆ្ងល់បំផុតនោះត្រង់ថា “រាល់រឿង ឬបទចម្រៀង តើខាងក្រសួងពាក់ព័ទ្ធនេះ បានពិនិត្យដិតដល់ឬអត់?” ។ បើសិនជាយើង ក្រឡេកមើលរឿង “ស្បែកគង់” ជាគំរូ នោះ ជាក់ណាស់ បើសិនក្រសួង វិចិត្រសិល្បៈ និង វប្បធម៌ បានពិនិត្យនោះ មិនបណ្តោយឲ្យចេញផ្សាយឡើយ ហើយទើបចេញមុខហាមជាក្រោយនោះទេ នេះសបញ្ជាក់យ៉ាងច្បាស់ថា ក្រសួងខាងលើមិនបានពិនិត្យ ដេកចាំតែយកផល។
ដោយឡែករឿង ” 2 Brother ឬ ២ នាក់បងប្អូន “ មានឈុតស្រាតដែរនោះ តើ អាចទេ នឹងត្រូវខាត់បង់ ឬ មិនឲ្យបញ្ជាំងតាមរោងកុននានា ក្នុងរាជធានីភ្នំពេញ និងបណ្តាខេត្ត ?
ទស្សនាឃ្លិបដូចខាងក្រោមនេះ៖
មតិយោបល់