ជាមួយនឹងមនុស្សជាង ២ លាននាក់ បានអន្ទះអន្ទែង ដើម្បីបញ្ជាទិញរថយន្តស្ព័រមួយ ដែលអាចបើកនៅក្រោមទឹក។
ជាមួយនឹងគំនិតបំផុស រថយន្តមុជទឹកដែលមានសមត្ថភាពដ៏អស្ចារ្យនេះ បានងាកចូល ទៅមើលលើរថយន្ត ក្នុងរឿងរបស់លោក James Bond “The Spy Who Loved Me” ក្នុងឆ្នាំ ១៩៧៧ ។ រថយន្តមុជទឹកនេះដែរ ដំណើរការថាមពលដោយប្រើប្រាស់ម៉ូទ័រអគ្គិសនី ដោយអាចរត់ក្នុងល្បឿន ១២១ គីឡូម៉ែត្រ ក្នុងមួយម៉ោង ខណៈដែលដំណើរការនៅក្រោមទឹក ។
រថយន្តស្ព័រ នេះត្រូវបានគេចាត់ទុកថា ជារថយន្តដំបូង ដែលអាចដំណើរការ លើគោក លើទឹក និងក្រោមទឹក ។ ភាពបន្ទាន់សម័យ ចំពោះរថយន្ត នេះដែរ ត្រូវបានធ្វើឡើង ដោយមានកៅអី តែ ២ ដោយមានសមត្ថភាពអាចអណ្តែតលើទឹក នៅពេលដែលដាក់ចូលទៅក្នុងទឹក ហើយក៏អាចដំណើរការនៅក្រោមទឹកដូចគ្នា ។
រថយន្តនេះ ត្រូវបានបំពាក់ដោយ កង្ហារ នៅកន្ទុយរថយន្តមួយ និងម៉ាស៊ីនពីរ ដើម្បីជួយជម្រុញ ឲ្យដំណើរការទៅមុខ ។ លើសពីនេះទៅទៀត នៅក្នុងរថយន្ត ត្រូវបានបំពាក់ដោយ បំពង់អុកស៊ីសែន ពីរ សម្រាប់ដកដង្ហើបនៅក្រោមទឹក ដោយប្រើប្រាស់បានរយៈពេល ១ម៉ោង ។
សម្រាប់តួរថយន្តម៉ាស៊ីនស្ព័រ វាដូចទៅនឹងរថយន្ត Lotus Elise ដែលប្រើប្រាស់ក្នុងខ្សែភាពយន្ត លោក Jame Bond ។ ដោយឡែកប្រព័ន្ធប្រតិបត្តិការ ម៉ាស៊ីន មានកំលាំង ៥៤គីឡូវ៉ាត់ កំលាំងបង្វិស ១៦០ Nm និងថ្ម មានកំលាំង ៤៨ វ៉ុល លីចូមអ៊ីយ៉ុង ។ បន្ទាប់ពីសាកថ្មី ៤ ម៉ោង រថយន្តនេះ អាចដំណើរការ បាន ២៩ គីឡូម៉ែត្រ នៅលើដី និង អាចដំណើរការនៅក្រោមទឹក ៣ម៉ោង ។
ផ្នែកខាងក្នុងនៃរថយន្ត ត្រូវបានធ្វើពីសំភារៈ ដែលមិនជ្រាបទឹក ហើយ ទឹកប្រៃ ឬទឹកសមុទ្រ ក៏មិនអាចបំផ្លាញវាបានដែរ ។ ក្រៅពីនេះវាក៏ត្រូវបានបំពាក់ដោយ ឧបករណ៍ឡាស៊ែរ ដែលដំណើរការដោយស្វ័យប្រវត្តិ ។
រថយន្តមុជទឹកនេះ មានប្រវែង ៣,៨ ម៉ែត្រ ទន្ទឹង ១,៩ ម៉ែត្រ ទម្ងន់ ៩២១ គីឡូក្រាម ដែលត្រូវបានគេដាក់លក់លើអនឡាញ នៅក្រុមហ៊ុន Hammacher Schlemmer ៕
មតិយោបល់