ថ្ងៃអាទិត្យ ទី ២៣ ខែវិច្ឆកា ឆ្នាំ ២០១៥ វេលាម៉ោង ៩ និង ០០ នាទីក្រុមបាល់ទាត់ ស្រាបៀរលំដាប់ពិភពលោក Kingdom FC បានលុតក្រុមបាល់ទាត់ King Lion យ៉ាងចាស់ដៃដោយលទ្ធផល ៦ ទល់នឹង ២ នៅលើទីលាន ដំរីស ។
ក្រោមតំណក់ភ្លៀងស្រិចៗ ក្រុមបាល់ទាត់ Kingdom FC ដែលមានឯកសណ្ឋានពណ៌លឿងលាយឆ្នូតខ្មៅ ធ្វើបានយ៉ាងល្អក្នុងលក្ខណៈបច្ចេកទេស ដោយគ្រប់គ្រងស្ថានភាពបាល់ វាយដណ្តប់ក្រុម King Lion តែខ្សែប្រយុទ្ធរបស់ក្រុមនេះធ្វើមិនបានសម្រេច រហូតដល់នាទីទី ១៤ ស្រាប់តែ Kingdom FC មានចន្លោះប្រហោងខ្សែការពារ ស្របពេលដែលខ្សែការពារធំ ស៊ឹម កុសល ពាកស្លាកលេខ ១៨ របួសក្បាលជង្គង់ដែលធ្វើឲ្យ King Lion ស៊ុតនាំមុខដោយលទ្ធផល ១ ទល់នឹង ០ ។ បើទោះបីជាយ៉ាងនេះក្តី Kingdom FC ដែលជាក្រុមបាល់ទាត់សម្បូរធនធានកីឡាករល្អៗ នោះ មានឱកាសស៊ុត ប៉េណេទី ១១ ម៉ែត្រ បន្ទាប់ពីខ្សែការពារ King Lion ធ្វើឲ្យខ្សែបម្រើស្លាប Kingdom FC ដួលនៅតំបន់គ្រោះថ្នាក់នោះ ។ ជាអកុលស្យ គ្រាប់បាល់ ១១ ម៉ែត្រ ស៊ុតចេញ ដោយអតីតកីឡាករទ្រនាប់ជើងមាស ធនាគារអេស៊ីលីដា លោក ម៉ានីល ពាក់ស្លាកលេខ ១៦ ធ្វើមិនបានសម្រេច ដោយស៊ុតបាល់ប៉ែល ចេញក្រៅ ។ ក្រុម Kingdom FC ទោះជាខាតបាល់ប៉េណ័លទី តែក្រុមនេះមិនបានអាក់អន់ស្រពន់ចិត្តអ្វីនោះទេ ដោយរួបរួមគ្នា វាយសម្រុកជាបន្តបន្ទាប់ គ្រប់ដណ្តប លើក្រុម King Lion ដោយស៊ុតម្តងហើយម្តងទៀត តែវាហាក់ដូចជាសំណាងអាក្រក់ ស៊ុតបាល់ចេញ និងប៉ះ អ្នកចាំទីដៃស្អិត King Lion ជានិច្ច ។ ឱកាសស្មើក៏កើតឡើងដោយខ្សែបម្រើពាកស្លាកលេខ ២0 ឈ្មោះ ចិត្រា តែតមួយទំហឹងក្បាល ជួយឲ្យ Kingdom FC ស្មើ ១ ទល់នឹង ១ នៅនាទី ៣០ ។
ការវាយសម្រុកទៅលើក្រុម King Lion នៅតែមាន តែមិនមែនមានន័យថា King Lion គ្មានលទ្ធភាពវាយបកនោះទេ ដោយមានឱកាសឆ្មក់ម្តងដែរៗ សឹងតែធ្វើឲ្យខ្សែការពារ Kingdom FC បុកពោះម្តងៗ ទៅហើយ គ្រាន់តែខ្សែប្រយុទ្ធរបស់គេ ទម្រង់លេង និងស៊ុត នៅមានកម្រិតតែប៉ុណ្ណោះ ។
នៅតង់ទី ២ យុទ្ធសាស្ត្រថ្មី បច្ចេកទេសថ្មី របស់ Kingdom FC បានធ្វើការគ្រប់ដណ្តប់ ស្ទើរតែ ៨០ ភាគរយទៅហើយ ដោយលេងពាក់ត្រឹមពាក់កណ្តាលតារាង ហើយអ្នកចាំទី Kingdom FC ហាក់ដូចជាទំនេរ ដោយអង្គុយមើលមេឃ មើលផ្កាយ ធ្វើមិនដឹង ។ ការប្រើយុទ្ធសាស្ត្រថ្មីលេង បានត្រឹមតែ ៨ នាទី ពោលគឺនាទី ៥៣ ក្រុម Kingdom FC បានស៊ុតនាំមុខដោយសារជាថ្មី ដោយបាល់ប៉េណ័លទី ១១ របស់កីឡាករ ពាក់ស្លាកលេខ ២0 ឈ្មោះ ចិត្រា ។ ទម្រង់វាយសង្គ្រប់នៅតែបន្ត ដោយ Kingdom FC ធ្វើបានសម្រេច ដោយកីឡាករដដែលឈ្មោះ ចិត្រា នៅនាទី ៦០ និង នាទី ៧៣ ជួយឲ្យក្រុម ស្រាបៀតឃីងដឹម នាំមុខ ដោយលទ្ធផល ៣ ទល់នឹង ១ ។ នៅនាទី ៧៥ King Lion មានឱកាសវាយបក វិញ ស៊ុតបំប៉ោងទី ក្រុមស្រាបៀរឃីងដឹម ដោយលទ្ធផល ៣ ទល់នឹង ២ ។ លទ្ធផលនេះវាកាន់តែធ្វើឲ្យ ឃីងដឹម មានសន្ទុះវាយសម្រុកបន្ថែម ដោយវាយបកវិញស្រស់ៗតែម្តង ដោយកីឡាករ ភីណា ពាក់ស្លាកលេខ ៨ ស៊ុតបាល់ចេញចម្ងាយ ១៥ ម៉ែត្រ ជួយឲ្យក្រុមស្រាបៀរលំដាប់ពិភពលោកនេះ នាំមុខបណ្តោះអាសន្ន ៤ ទល់នឹង ២ នៅនាទី ៧៧ ។ នៅនាទី ៨២ ខ្សែបម្រើស្លាបដ៏មុតស្រួច ពាក់ស្លាកលេខ ២១ ឈ្មោះ តុង បានស៊ុតមួយជើងស្តាំ ចម្ងាយប្រហែល ១៨ ម៉ែត្រ ជួយឲ្យ Kingdom FC នាំមុខទៀត ដោយលទ្ធផល ៥ ទល់នឹង ២ ។ មើលទៅលទ្ធផលខាងលើ ជាក់ណាស់ខ្សែការពារ និងអ្នកចាំទី ឈរជើងទំនេរចោល រហូតដល់នាទី ៨៩ កីឡាករខ្សែការពារឈ្មោះ សត្យា បានសម្រេចចិត្ត បណ្តើរបាល់ឡើង ដោយស៊ុត មួយជើងស្តាំ កែងមុំ អង្គទី ១ ធ្វើឲ្យអ្នកចាំទី គ្មានលទ្ធផលស្រោចស្រង់បាល់បាន ។
សំលេងកញ្ជែរ ផ្លុំ បញ្ចប់ ៩០ នាទី ក្រុមកីឡាករបាល់ទាត់ ស្រាបៀររស់ជាតិលំដាប់ពិភពលោក Kingdom FC យកឈ្នះក្រុមបាល់ទាត់ King Lion ដោយលទ្ធផលបច្ចេកទេស ៦ ទល់នឹង ២ ៕
មតិយោបល់