ភ្នំពេញ៖ តារាចម្រៀងដែលបាក់ស្រុតប្រជាប្រិយភាព ពេជ្រ សោភា ថ្មីៗនេះបានបង្ហាញបទចម្រៀងថ្មីរបស់ខ្លួន ជាអាលប៊ុមមិនយកលំនាំពីគេដោយបង្ហោះតាមរយៈហ្វេសប៊ុក របស់ខ្លួន ធ្វើឲ្យអ្នកគាំទ្រ មិនអាចរងចាំ និង មិនសរសើរមិនបានឡើយ ។
បទចម្រៀងថ្មីរបស់ ពេជ្រ សោភា ក្រោមចំណងជើងថា TURN THE BASS ON មើលទៅពិតជាគួរឲ្យចាប់អារម្មណ៍ ខណៈបង្ហាញវត្តមាន តារាចម្រៀងរ៉េប ដែលតែងតែដើរជាមួយនឹងនាង ឈ្មោះ ដេវីត ។ ក្នុងឈុតខ្លី បទចម្រៀងដែលមានរយៈពេល ៥៦ វិនាទីនេះ ពេជ្រ សោភា លេងម៉ូតសក់ពណ៌ទង់ដែង ជាមួយនឹងឈុតបង្ហាញក្បាលពោះ និងដើមទ្រូង មើលទៅ ធ្វើឲ្យអ្នកគាំទ្រ មិនអាចទន្ទឹងរងចាំ បាននោះទេ ។ ក្នុងនោះដែរ នាងបានសសេរថា “យើងបានព្យាយាមបង្កើតអ្វីដែលថ្មី និងមានបទចម្រៀងដើម សម្រាប់ប្រជាជនរបស់យើង ….ទោះបីជាមនុស្សមួយចំនួនមិនចូលចិត្តពួកយើង ប៉ុន្តែយើងគ្រាន់តែធ្វើដើម្បីអ្នកគាំទ្រជាទីស្រលាញ់របស់យើង។ យើងមិនខ្វល់ពីអ្នកស្អប់ នោះទេ តែយើងនៅតែបន្តដើម្បី ធ្វើឲ្យមានតែមួយគត់ និងជារបស់ដើម។ សូមរងចាំ និងគាំទ្រសម្រាប់អាលប៊ុមមិនយកលំនាំពីគេ” ។ សូមអរគុណ SP ស្រលាញ់អ្នក ….Owww ។
បទថ្មីនេះដែរ ត្រូវបានអ្នកគាំទ្រ ជាង ៣ពាន់នាក់ ចុចមើលលើទំព័រហ្វេសប៊ុករបស់នាង ដោយសរសើរថា “ឡូយម៉េសបង ស្រលាញ់ចម្រៀងនេះច្រើនណាស់” ។
បញ្ជាក់ផងដែរថា ពេជ្រ សោភា មួយរយៈចុងក្រោយនេះ បើសិនជាមិនបង្ហាញវត្តមានជាគ្រូបង្វឹក The Voice Cambodia នោះទេ សឹងតែធ្វើឲ្យអ្នកគាំទ្រ ភ្លេចសំលេង និងមុខមាត់នាងបាត់ទៅហើយ ៕
ទស្សនាឃ្លិបដូចខាងក្រោមនេះ៖
មតិយោបល់