កំពង់ធំ៖ បទល្មើសនេសាទបានកក្រើកពេញផ្ទៃស្ទឹងសែន ជនល្មើសបានធ្វើសកម្មភាព រុញស៊ីប អូសអួន ក្រឡាញឹក និងអួនកាំងកណ្តាលស្ទឹង ដោយគ្មានការខ្លាចញញើត ពីសំណាក់សមត្ថកិច្ចជំនាញជលផល សូម្បីតែបន្តិ ដែលហេតុបណ្តាលឲ្យមានការសង្ស័យថា សង្កាត់រដ្ឋបាលជលផលស្ទឹងសែន និងសង្កាត់រដ្ឋបាល ជលផលសន្ទុក ប្រហែលជាត្រូវថ្នាំសណ្តំហើយ បានជាពុំមានការបង្ក្រាបថែមទាំងបើកភ្លើងខៀវទៀតផង។
ប្រភពព័ត៌មានច្បាស់ការពីប្រជាពលរដ្ឋ ដែលបានប្រកបមុខរបររុញស៊ីប អូសអួន ដោយខុសច្បាប់បានឲ្យដឹងថា ពួកគាត់បានបង់លុយឲ្យទៅសមត្ថកិច្ចជំនាញ សង្កាត់រដ្ឋបាលជលផលស្ទឹងសែន និងផ្នែករដ្ឋបាល ជលផល មិនតែប៉ុណ្ណោះបង់ទាំងសមត្ថកិច្ចផ្សេងៗ និងមានលោក សមត្ថកិច្ចជំនាញរដ្ឋបាលជលផល ចុះមកទាំងផ្នែក ទាំងសង្កាត់ ទាំងអធិការ មកយកលុយរាល់តែអាទិត្យ មានរឿងអ្វីដែលត្រូវខ្លាច ព្រោះខំចំណាយលុយអស់រាប់លាន ទើបខំស្រង់ដើមមកវិញ ជាកស្តែងប្រជាពលរដ្ឋដែលរស់នៅក្នុងភូមិ បញ្ញាជីរាជ ស្ថិតនៅ ក្នុងភូមិត្បូងក្រពើ ស្រុកសន្ទុក ខេត្តកំពង់ធំ ដែលត្រូវបានគេស្គាល់ឈ្មោះ មេខ្លោងប្រព្រឹត្តបទល្មើសនេសាទ និងជាអ្នករត់ការដ៏សកម្ម ក្នុងការជម្រុញឲ្យមានបទល្មើសនៅក្នុងភូមិនេសាទដោយខុសច្បាប់ ។
ជាក់ស្តែងនៅយប់ថ្ងៃទី ២៥ ខែ វិច្ឆិកា ឆ្នាំ ២០១៤ លោក សាយ ណូរ៉ាព្រះរាជអាជ្ញារងអមសាលាដំបូងខេត្តកំពង់ធំ បានដឹកនាំកំលាំងធ្វើការចុះត្រូតពិនិត្យឧបករណ៍នេសាទខុសច្បាប់ដែលស្ថិតនៅភូម បញើជី ឃុំ ត្បូងក្រពើ ស្រុក សន្ទុក ខេត្តកំពង់ធំ ដែលប្រជាពលរដ្ឋកំពុងតែធ្វើសកម្មភាព ក្នុងនោះដែរលោកសាយណូរ៉ា បានណែនាំឲ្យក្រុមអជីវករដែលមានមុខរបរនេសាទត្រី ទាំង៩គ្រួសារ ដែលមានឈ្មោះ យ៉ែម ហៃ លោក អេង ចែត លោក អៀ វេង លោក សេង អ៊ិន លោក អេង ជ័យ លោក អេង ចែត និងគ្រួសារឯទៀត បញ្ឈប់ជា បន្ទាន់ការនេសាទដោយខុសច្បាប់ ព្រមទាំងបានណែនាំកុំឲ្យប្រើប្រាស់អួនវែងលើសច្បាប់កំណត់ និងបទល្មើសឆក់ត្រី ការរុញស៊ីប អួនកាំង ដែលជាហេតុធ្វើឲ្យមានផលប៉ះពាល់ដល់មឆ្ឆាជាតិ ព្រមទាំងបានឲ្យសមត្ថកិច្ចជំនាញធ្វើកិច្ចសន្យាជាមួយក្រុមអ្នកនេសាទខុសច្បាប់ ដើម្បីកុំឲ្យមានការលបលួចនេសាទដោយ ខុសច្បាប់និងអាណាធិបតេយ្យ ក្នុងនោះដែរលោក សាយ ណូរ៉ា បានពន្យល់ណែនាំអំពីច្បាប់ដែលកំណត់ ឲ្យមានទោសដោយសារតែការនេសាទ ប្រើប្រាស់ឧបករណ៍ដែលត្រូវបានហាមឃាត់៕
មតិយោបល់