«ខ្ញុំតែងតែប្រាប់ខ្លួនឯងថា កើតមកមិនមែនដើម្បីធ្វើការនោះទេ ប៉ុន្តែកើតមកដើម្បីរីករាយជាមួយនឹងជីវិត»។ នេះជាសំដីរបស់លោក Jack Ma មហាសេដ្ឋីលំដាប់ទី៣៥របស់ពិភពលោក។
បន្ទាប់ពីដាក់លក់ប័ណ្ណភាគហ៊ុន(IPO) នៅអាមេរិកទទួលបានប្រាក់ ២៥ពាន់លានដុល្លារអាមេរិកមក លោក Ma ស្ថាបនិក និងជានាយកប្រតិបត្តិ Alibaba ត្រូវបានមហាជនចាប់អារម្មណ៍ពីជីវិតផ្ទាល់ខ្លួន និងការតស៊ូបង្កើត Alibaba។
ថ្លែងប្រាប់អ្នកសារព័ត៌មានក្នុងកិច្ចសម្ភាសន៍ថា «ខ្ញុំតែងតែប្រាប់ខ្លួនឯងថា កើតមកមិនមែនដើម្បីធ្វើការនោះទេ ប៉ុន្តែកើតមកដើម្បីរីករាយជាមួយនឹងជីវិត។ បើសិនជាអ្នកគិតថា កើតមកដើម្បីធ្វើការពេញមួយជីវិតនោះ អ្នកនឹងមិនទទួលបានសេចក្ដីរីករាយឡើយ ជាពិសេសអ្នកនឹងទទួលបានវិប្បដិសារី»។
លោក Ma បានបញ្ជាក់ទៀតថា «បើសិនជាអ្នកគិតថា គោលដៅចម្បងរបស់អ្នកគឺជាប្រាក់នោះ អ្នកត្រូវតែផ្លាស់ប្ដូរផ្នត់គំនិត ព្រោះថានោះមិនមែនជាសុភមង្គលទេ»។
គួរបញ្ជាក់ផងដែរថា Jack Ma ត្រូវបានទស្សនាវដ្ដី Forbes វាយតម្លៃថា មានទ្រព្យសម្បត្តិគិតជាទឹកប្រាក់ចំនួន ២៣ពាន់លានដុល្លារអាមេរិក៕
ព័ត៌មានជាតិ
មតិយោបល់