បន្ទាយមានជ័យ៖កាលពីវេលាម៉ោង២រសៀលថ្ងៃទី២៣ធ្នូ២០១៤ជនសង្ស័យម្នាក់គ្រាន់តែគេហាមនិយាយទូរស័ព្ទឮពេកក្បែររបងផ្ទះព្រោះខ្លាចភ្ញាក់កូនស្រាប់តែយកកាំបិទកាប់អ្នកហាមចំមុខបណ្តាលអោយរបួសធ្ងន់នៅភូមិបឹងតាស្រី ឃុំគោករមៀតស្រុកថ្មពួក ខេត្តបន្ទាយមានជយ័។
តាមការអោយដឹងពីសមត្ថកិច្ចមូលដ្ឋានបានអោយដឹងថា អំពើហិង្សាខាងលើបង្កទ្បើងដោយជនសង្ស័យឈ្មោះភី គាក់ ភេទប្រុសអាយុ ៥៨ឆ្នាំរស់នៅភូមិ ឃុំខាងលើដែល មុនកើតហេតុ ជនសង្ស័យឈ្មោះ ភី គាក់បានដើរនិយាយទូរសព្ទ័ក្បែរបងផ្ទះ ឈ្មោះ អ៊ុក រ៉ា ភេទប្រុស អាយុ៤៨ ឆ្នាំរស់នៅភូមិ ឃុំជាមួយគ្នា ពេលនោះឈ្មោះអ៊ុក រ៉ា បាននិយាយថាពូកុំនិយាយទូរសព្ទ័ឮពេកព្រោះវាភ្ញាក់កូនខ្ញុំហើយឈ្មោះ ភី គាក់ គាត់និយាយទៅកាន់ អ៊ុក រ៉ា ថាហ្អែងប្រយត្ន័អញកាប់ងាប់ពេលនោះគាត់បានប្រើឲ្យកូនរបស់គាត់អាយុ១២ឆ្នាំ ទៅយកកាបិត ពេលយកមកបានក៏កាប់ទៅលើឈ្មោះ អ៊ុក រ៉ា ដែលឈរកំពុងឈរនៅមុខផ្ទះ ចំថ្ងាស់១កាំបិតបណ្តាលអោយរងរបួសធ្ងន់។ភ្លាមៗសមត្ថកិច្ចបានទៅដល់ បញ្ជូនជនរងគ្រោះទៅព្យាបាលនៅពេទ្យប្រចាំភូមិ ចំណែកជនសង្ស័យ ឈ្មោះ ភី គាក់ ពេលកម្លាំងយើងទៅដល់ ក៏រត់គេចខ្លួនចូលទៅក្នុងទឹកដីថៃបាត់ ឥឡូវកម្លាំងយើងកំពុងសុំឲ្យ តម្រួតថៃ ស្ទាក់ចាប់ជនបង្ក៕
ព័ត៌មានជាតិ
មតិយោបល់