ខេត្តឧត្តរមានជ័យ៖លោកយាយជរាទុរគតម្នាក់គ្មានកូនចៅនិងសាច់ញ្ញាតិជាទីពឹង ដែលមានជំងឺប្រចាំកាយប្រឈមនិងគ្មានផ្ទះនៅនិងអាហារចិញ្ចឹមជីវិតបន្ទាប់ពីមានអ្នកជិតខាងលួចធ្វើប្លង់កាន់កាប់ដីសង់លំនៅដ្ឋានរបស់គាត់រួចបង្ខំឲ្យគាត់រុះរើផ្ទះ និង ផលដំណាំចេញឲ្យផុតរយ:ពេលបីថ្ងៃបន្ទាប់ពីគេបានទទួលប្លង់កាន់កាប់ដីធ្លីស្របច្បាប់ពីអាជ្ញាធរ ។ លោកយាយជរាទុរគតឈ្មោះ រៀម ពុច អាយុ ៦៧ ឆ្នាំ រស់នៅភូមិ រំចេក ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដែលមានកាន់ប័ណ្ណក្រីក្រប្រភេទលេខ ១ ។អ្នកដែលលួចធ្វើប្លង់កាន់កាប់ដីធ្លីរបស់គាត់
១-ឈ្មោះ ឃ្លោក លន ភេទ ប្រុស អាយុជាងសែសិបឆ្នាំ ២-ឈ្មោះ កាំ ភ្លឿត ភេទស្រី អាយុ ៤០ ឆ្នាំ ជាអ្នកជិត
ខាង។
បើតាមការបកស្រាយរបស់លោកយាយជរាទុរគតដោយសំលេងរអាក់រអួលដើមកទាំងទឹកភ្នែករលីងរលោងថានៅឆ្នាំ២០១៣លោកយាយបានទៅសំរាកព្យាបាលជំងឺរបេងនៅឯខេត្តសៀមរាបចំនួន បី ខែ ដោយមានការផ្តាំផ្ញើរឲ្យលោក ជួន រតនាវង្ស អតីតមេភូមិ រំចេកបច្ចុប្បន្នក្រុមប្រឹក្សាឃុំ អន្លង់វែង ឲ្យជួយមើលការខុសត្រូវចំពោះគាត់ផងស្របពេលដែលរាជរដ្ឋាភិបាលផ្តល់ក្រុមយុវជនស្ម័ក្រចិត្តមកចុះអនុវត្តន៍ការងារវាស់វែងដីធ្លីផ្តល់ប្លង់កម្មសិទ្ធស្របច្បាប់ជូនប្រជាពលរដ្ឋដោយមានមេក្រុមម្នាក់ឈ្មោះ ទឹម សាខន ហៅ កត បានឃូតឃិតគ្នាជាមួយនិងឈ្មោះទាំងពីរខាងលើទៅវាស់ដីរបស់គាត់យកដោយមិននឹកស្មានថាលោកយាយនិងមានជីវិតវិលត្រលប់មកវិញ។ លោកយាយបានបន្តថាដីរបស់គាត់មានពីរកន្លែងមួយកន្លែង 40 x60m មួយកន្លែងទៀត 30 x 40m ដែលត្រូវបានឈ្មោះទាំងពីរខាងលើលួចធ្វើប្លង់យក បន្ទាប់ពីក្រុមយុវជនស្មោះចិត្ត និងជំនាញសូរិយោដីស្រុកបានធ្វើការបិទប្រកាសលោកយាយក៍បានធ្វើការប្តឹងទាន់ពេលនិងមានការដាក់ពាក្យបណ្តឹងទៅអាជ្ញាធរភូមិឃុំនិងស្រុកក្នុងនោះអាជ្ញាធរក៍បានបង្កើតគណ:កម្មាធិការកណ្តាលដោះស្រាយវិវាទដីធ្លីរួមមានសមសភាពអាជ្ញាធរជំនាញសូយោរិដីនិងអាជ្ញាធរភូមិឃុំស្រុកខេត្តបានមួយលើកតែពាក្យបណ្តឹងរបស់លោកយាយរហូតមកដល់ពេលនេះគឺពុំមានប្រសិទ្ធភាពនោះទេដោយមានអាជ្ញាធរខ្លះបានរអួរទាំថាគេធុញទ្រាន់ឈឺក្បាលនិងយាយកញ្ចាស់នេះណាស់។រហូតមកដល់ពេលនេះលោកយាយជរាទុរគតម្នាក់នេះកំពុងតែប្រឈមនិងគ្មានផ្ទះនៅនិងគ្មានអាហារហូបចុកដែលអាជ្ញាធរគ្រប់លំដាប់ថ្នាក់ធ្វើការបោះបង់ចោល។
បើតាមការលើកឡើងរបស់លោក ជួន រតនាវង្សក្រុមព្រឹក្សាឃុំ អន្លង់វែងបានឲ្យដឹងថាលោកយាយបានធ្វើការផ្តាំផ្ញើរឲ្យលោកជួយមើលពិតប្រាកដមែន ដោយលោកបានបញ្ជាក់បន្តថាប្រជាពលរដ្ឋទូទាំងភូមិអ្នកណាៗក៍គេដឹងថាជាដីរបស់គាត់ពិតប្រាកដមែន ដែលគាត់បានកាន់កាប់ចាប់តាំងពីឆ្នាំ ២០០៤ រហូតដល់ឆ្នាំ ២០១៤នេះគឺមានរយ:ពេល១០ឆ្នាំ មកហើយ ហើយការនាំគ្នាទៅលួចធ្វើប្លង់កម្មសិទ្ធប្រហែលជាមានការឃុបឃិតជាមួយប្រធានក្រុមនិងអាជ្ញាធរភូមិ បើមិនមានការអះអាងពីអាជ្ញាធរភូមិដែលផ្សំគំនិតជាមួយនិងអ្នកលួចធ្វើប្លង់ដីក្រុមយុវជនស្ម័គ្រចិត្តមិនអាចធ្វើការវាស់វែងបានឡើយ៕
មតិយោបល់