កាលពីថ្មីៗនេះ មានព័ត៌មានលេចឮថា តារាសម្ដែងនាង Cameron Diaz វ័យ ៤២ឆ្នាំ បានភ្ជាប់ពាក្យជាមួយនឹងតន្ត្រីករ លោក Benji Madden វ័យ ៣៥ឆ្នាំ ប៉ុន្តែនៅថ្ងៃទី០៦ខែមករា ឆ្នាំ ២០១៥ ម្សិលមិញនេះ មានព័ត៌មានថា ពួកគទាំងពីរបានរៀបការ ហើយរៀបចំពិធីជាលក្ខណៈគ្រួសារនៅក្នុងគេហដ្ឋានផ្ដាល់ខ្លួន។
ទស្សនាវដ្ដី People បានចុះផ្សាយរបស់ពួកគេរៀបចំជាលក្ខណៈគ្រួសារ និងឯកជនកាលពីថ្ងៃអង្គារម្សិលមិញ ដោយមានក្រុមគ្រួសារ និងមិត្តភ័ក្តិចូលរួម ប៉ុន្តែអ្នកដែលបានដឹងហេតុការបាននិយាយថា ជាលក្ខណៈតូចតាចមែន តែសប្បាយរីករាយបំផុត។
គួរបញ្ជាក់ផងដែរថា នាង Cameron Diaz ធ្លាប់មានទំនាក់ទំនងស្នេហាជាមួយនឹងតារាសម្ដែង និងជាអ្នកដឹកនាំរឿង លោក Matt Dillon ហើយក៏ធ្លាប់មានទំនាក់ទំនងជាមួយតារាចម្រៀង Justin Timberlake ចំណែកឯលោក Benji Madden ធ្លាប់បានភ្ជាប់ពាក្យជាមួយតារាសម្ដែងអូស្ត្រាលីនាង Sophie Monk និងធ្លាប់មានទំនាក់ទំនងស្នេហាជាមួយនឹង Paris Hilton៕
មតិយោបល់